Stała viadoma, što ŭ Nacbanka źjaviłasia darahaja mašyna Audi A8L za 304 000 rubloŭ, na heta pieršym źviarnuŭ uvahu Telegram-kanał «Ekanomika», nabyćcio adbyłosia jašče ŭ 2018-m, pra heta havorycca ŭ spravazdačy Nacbanka.
Aŭtar kanała zaŭvažaje, što ŭ krainie dziejničaje zakon, zhodna ź jakim čynoŭniki nie mohuć kuplać aŭto, daražejšaje za $25 tysiač, kali inšaje nie dazvolena asabista kiraŭnikom dziaržavy. Vidać, heta akurat toj vypadak.
Što heta za mašyna?
«Dazvolcie sabie niepieraŭzydzienuju raskošu z Audi A8L», — voś tak havorycca na sajcie vytvorcy.
U mašyny masa važnych funkcyj, naprykład: u joj jość vysokadakładnyja śviatłodyjody, jakija zdolnyja stvaryć «raznastajnyja scenary padśviečvańnia sałona», abo dadatkovyja pastaŭki pad nohi, jakija «robiać masaž stupniaŭ».
Taksama sa spravazdačy banka vynikaje, što na zakupie transpartnych srodkaŭ Nacbank aščadziŭ 12 000 rub ad płanavych asihnavańniaŭ.
Pres-sakratar Nacbanka Alaksandr Cimašenka ciapier u kamandziroŭcy, tamu nie zdoleŭ apieratyŭna patłumačyć «Našaj Nivie» patrebu zakupu až nastolki darahoj mašyny.
