Prezident Ukrainy Uładzimir Zialenski pryznačyŭ Siarhieja Šefira, ź jakim jany razam byli suzasnavalnikami Kvartała 95, pieršym pamočnikam prezidenta. Adpaviedny ŭkaz apublikavany na sajcie prezidenta Ukrainy.
Siarhiej Šefir nie tolki biznes-partnior, ale i najlepšy siabar Uładzimira Zialenskaha. Jon taksama byŭ siabram vybarčaha štaba Zialenskaha.
Atrymali svaje pasady i inšyja asoby, źviazanyja z Kvartałam 95.
Kiraŭnikom Administracyi prezidenta staŭ Andrej Bohdan, juryst aliharcha Ihara Kałamojskaha i ŭpaŭnavažany pa pytańniach antykarupcyjnaj palityki va ŭradzie časoŭ prezidenta Janukoviča — jaki maje reputacyju vyklučna karumpavanaha.
Akramia taho, Zialenski pryznačyŭ Siarhieja Trafimava i Juryja Kaściuka namieśnikami kiraŭnika administracyi prezidenta.
Raniej Juryj Kaściuk pisaŭ scenary da sieryjałaŭ i kinafilmaŭ studyi «Kvartał 95».
Siarhiej Trafimaŭ pačaŭ pracavać z «Kvartałam 95» u 2005 hodzie, jon kuryravaŭ kina-kirunak studyi.