Schadziŭ ja na tok-šou ANT «Naša žizń», tema tyčyłasia Uschodniaha partniorstva. Niekatoryja nazirańni:
— Prahrama maje ad pačatku zrežysavanuju strukturu, kab pravieści «pravilnuju liniju»;
— Heta dasiahajecca zaprašeńniem ekśpiertaŭ z peŭnymi rolami i ŭžo viadomymi ci ŭzhodnienymi mierkavańniami.
— Bałans ekśpiertaŭ budujecca tak, kab adno mierkavańnie («pravilnaja linija») daminavała, a astatnija byli marhinalnymi.
— Maderacyja vybudavana nie dla realnaha vyśviatleńnia temy prahramy, a dla padkreślivańnia «pravilnaj linii», raspalvańnia ci prycišvańnia emocyjaŭ, pieradačy słova.
— Maderatar sam moža nie pravodzić nijakaj linii: padbor i bałans ekśpiertaŭ usio vyrašaje.
— Ludzi z alternatyŭnym mierkavańniem adrazu zapichvajucca ŭ peŭnuju rolu: «apazicyjanier», «za Jeŭropu» i h.d.
— Udzielniki kryčać (chacia i nie ŭvieś čas) i vystrelvajuć pa niekalki roznych tezisaŭ za repliku. Naprykład: «Uschodniaje partniorstva karysnaje, ale słaba. My roŭnyja ź jeŭrapiejskimi krainami. Nie treba nas nachilać i naviazvać. Dajcie kankretnych prajektaŭ».
— Pakolki maderacyja farmalnaja, to nichto nie raźbirajecca z kožnym tezisam.
— Adpaviedna, reahavać na kankretny tezis možna tolki pierabivajučy apanienta, tamu pačynajecca kryk.
— Daśviedčanyja ŭdzielniki, pačynajučy svaju repliku, havorać narmalna, a potym pastupova naroščvajuć huk, kab było mienš mahčymaściaŭ pierabić. Vyhladaje śmiešna.
— Kali tabie dajuć słova, to skazać možna što zaŭhodna (ale nie fakt, što inšyja daduć dahavaryć). Što zastaniecca ŭ kančatkovaj viersii — nie viadoma, bo Džońni robić usim mantaž.
Što možna rabić:
— nie hulać scenarnuju rolu, a sprabavać vieści svaju hulniu;
— vystrelvać niečakanymi tezami ci pytańniami;
— reahavać pa situacyi: rychtavać niejkija tezy asablivaha sensu niama, bo ŭstavić ich, chutčej za ŭsio, nie atrymajecca.
Vyvad:
— chadzić tudy možna, ale biessensoŭna.
Frahmient:
— (małady pierśpiektyŭny palityk): My patrabujem roŭnych adnosinaŭ da nas jak da jeŭrapiejskaj krainy, nie treba nam naviazvać svaje kaštoŭnaści i vučyć nas!
— (ja, pierabivajučy): A-a-a! Tak vy darosłyja? A čamu ž vy praciahvajecie brać hrošy na kišennyja raschody?!
— (małady pierśpiektyŭny palityk, trochi razhublena): Jakija hrošy?
— (ja): Kredyty JEBRR i JEIB, naprykład…
— (usie pravilnyja ekśpierty): kryki, što jany nam nie prosta dajuć, a im samim vyhadna
— ahulny kryk.
