30-hadovy mužčyna ź vieraśnia 2014 hoda pa śniežań 2017 hoda pazyčyŭ u znajomych 98 tysiač rubloŭ. Jon prasiŭ pazyčyć jamu dla raźvićcia biznesu, niekatorym prapanoŭvaŭ stać inviestarami, paviedamlaje SK.
Akramia taho, mužčyna nieadnarazova prasiŭ svaich znajomych aformić na siabie mabilny telefon i pieradać jamu dla karystańnia, abiacajučy ŭnosić štomiesiačnyja płaciažy. Kali paciarpiełyja zrazumieli, što hrošy viarnuć nie atrymajecca, jany źviarnulisia z zajavami ŭ milicyju.
U lipieni 2018 hoda zaviali kryminalnuju spravu. Śledčyja abviaścili mužčynu ŭ miždziaržaŭny vyšuk. U kastryčniku 2018 hoda jaho zatrymali ŭ Sankt-Pieciarburhu.
Jak vyśvietliłasia, mužčyna złoŭžyvaŭ śpirtnym, a taksama prajhravaŭ častku pazyčanych hrošaj u azartnyja hulni ŭ internecie. Padčas rasśledavańnia spravy jon vinu nie pryznaŭ, škodu nie kampiensavaŭ.
Mužčyna znachodzicca pad vartaj. Spravu pa č. 4 art. 209 KK (machlarstva, ździejśnienaje ŭ asabliva bujnym pamiery) pieradali prakuroru dla nakiravańnia ŭ sud.
