Zvyš 1,8 tys. faktaŭ biezhaspadarčaści vyjaviŭ Kamitet dziaržaŭnaha kantrolu na abjektach sielhaspradpryjemstvaŭ za dva miesiacy hetaha hoda, paśla ŭmiašańnia KDK 72% vyjaŭlenych parušeńniaŭ i niedachopaŭ likvidavany, paviedamiŭ BiełTA načalnik upraŭleńnia kantrolu za pracaj ahrapramysłovaha kompleksu Kamiteta dziaržkantrolu Valeryj Skrypkin.
«Najbolš typovyja prykłady — lišak hnoju na fiermach, biesparadak na terytoryjach miechdvaroŭ, fierm i zbožžatakoŭ, u tym liku bytavoje i budaŭničaje śmiećcie, pustazielle, — pieraličyŭ Valeryj Skrypkin. — Tak, vyjaŭlena bolš za 1,3 tys. faktaŭ zanavožanaści pamiaškańniaŭ dla žyvioły i prylehłych da fiermaŭ terytoryj, adsutnaści padściłačnaha materyjału, utrymańnia žyvioły z parušeńniem vieterynarnych i zaatechničnych patrabavańniaŭ. Jašče bolš za 530 vypadkaŭ nienaležnaha ŭtrymańnia terytoryj miechdvaroŭ: nie sucelnyja aharodžy, technika i mietałałom zachoŭvajucca ŭ biesparadku, šmat śmiećcia, a taksama nie padtrymlivajecca paradak u padsobnych pamiaškańniach majsterniaŭ».
