U Biełarusi pavinny pierapracoŭvać 50—60% adkidaŭ i aktyŭniej vykarystoŭvać u vytvorčaści druhasnuju syravinu. Pra heta Alaksandr Łukašenka zajaviŭ padčas naviedvańnia Studenckaj vioski, paviedamlaje BiełTA.
Ilustracyjny zdymak.
U vioscy kiraŭniku dziaržavy prademanstravali novuju kuchniu i stałovuju, dzie buduć charčavacca ŭdzielniki Jeŭrapiejskich hulniaŭ. Ubačyŭšy, što ich płanujuć karmić z adnarazovaha płastykavaha posudu, Łukašenka aburyŭsia.
«Chopić hetaha płastyku. Mała taho, što trucim ludziej, dyk jašče i zaśmiečvajem pryrodu. Naša siniavokaja chutka pieratvorycca ŭ chłam. Tamu treba zakančvać, — zapatrabavaŭ jon. — U nas ža papiery — kolki chočaš, škła — kolki chočaš, dziavać niama kudy. Treba vyrablać. Niachaj heta budzie daražej, ale čałaviek budzie razumieć, što lišnich dziesiać kapiejek zapłaciŭ, ale zdarovy budzie».
