Nacyjanalny bank Biełarusi nie čakaje istotnaha ŭpłyvu situacyi z pastaŭkami niajakasnaj nafty z Rasii na hrašova-kredytnuju palityku ŭ Biełarusi, paviedamiŭ siońnia na bryfinhu staršynia praŭleńnia Nacyjanalnaha banka Pavieł Kałaŭr, pieradaje BiełTA.
«Va ŭsialakim vypadku takoha ŭpłyvu, jaki situacyja b akazała na hrašova-kredytnuju palityku, my nie bačym», — skazaŭ Pavieł Kałaŭr.
«Asobnyja raźliki nie rabili, my daviarajem tym acenkam, jakija ŭžo vam viadomyja, — dadaŭ kiraŭnik Nacbanka. — U pryncypie, ekanomika pavinna ŭmieć pravilna reahavać na takija situacyi, jakija akazvajuć niehatyŭny ŭpłyŭ na stan płaciežnaha bałansu, moža być, časovy niehatyŭny ŭpłyŭ. Tamu ŭ tym i jość zadača ŭładaŭ, kab ekanomika była hnutkaj i adnaznačna reahavała na roznaha rodu niehatyŭnyja padziei».
