Skrynšot ź videa
Aras Sała, baćka arhiencinskaha futbalista Emilijana Sały, pamior praz try miesiacy paśla hibieli syna ŭ avijakatastrofie. Pra heta paviedamlaje Mundo Deportivo.
Pryčynaj śmierci Sały-starejšaha staŭ sardečny prystup. Jon pamior u svaim domie ŭ horadzie Prahresa ŭ pravincyi Santa-Fie. Jamu było 58 hadoŭ.
Samalot z Emilijana Sałoj na borcie źnik z radaraŭ 22 studzienia. Jon jechaŭ z francuzskaha Nanta ŭ valijski Kardyf. Arhienciniec padpisaŭ kantrakt z kłubam «Kardyf Sici» i pavinien byŭ dałučycca da kamandy. Samalot upaŭ u Ła-Manš, pareštki Sały znajšli ŭ pačatku lutaha.
Pierad vyletam futbalist adpraviŭ siabru paviedamleńnie, u jakim skazaŭ, što ŭ šlachu samalot razvalicca i što jamu strašna. Pavodle infarmacyi The Times, piłot da apošniaha zachoŭvaŭ kantrol nad samalotam i raźličvaŭ pasadzić łajnier na vadu.