U Minsku na vulicy Šyrokaj, 3 evakuiravali ŭsich žycharoŭ novabudoŭli, jakaja była zdadziena ŭ ekspłuatacyju ŭ 2014 hodzie, piša Tut.by
Jak akazałasia, žychary paŭtara hoda tamu jašče pisali zvaroty ŭ roznyja instancyi z prośbaj vyrašyć pytańnie z apornaj kałonaj u druhim padjeździe. Tydzień tamu śpiecyjalisty prystupili da ramontu. Jak miarkujecca, u vyniku hetych rabot pačałosia razbureńnie kałony, što pryviało da pahrozy abvalvańnia doma.
— Nam skazali ŭziać pašparty i vyjści ŭsim na vulicu. Dom ačapili, nikoha unutr nie puskajuć. Na fasadzie bačnyja raskoliny, — raspavioŭ miascovy žychar Alaksandr.
«26 krasavika ŭ žyłym domie № 3 pa vuł. Šyrokaj buduć pravodzicca raboty pa ŭzmacnieńni manalitnaj kałony druhoha padjezda. Z metaj biaśpieki žycharoŭ doma i dadatkovych mier zaściarohi na čas ramontnych rabot buduć arhanizavany mierapryjemstvy pa vyvadzie ludziej. Ramontnyja raboty praciahnucca ad 4 da 6 hadzin. Mierkavany čas zakančeńnia — 20.00», — prakamientavali situacyju ŭ Minharvykankamie.
U administracyi Savieckaha rajona prynieśli prabačeńni za dastaŭlenyja niazručnaści i paprasili žycharoŭ doma pastavicca z razumieńniem da časovych źmienaŭ.
U ciapierašni čas śpiecyjalistami kamunalnych słužbaŭ rajona pravodzicca pakvaternaje apaviaščeńnie žycharoŭ.
Časovaje znachodžańnie žycharoŭ arhanizavana ŭ siaredniaj škole № 178, raźmieščanaj pa adrasie pa vuł. Uschodniaja, 68.