Intehracyja Rasii i Biełarusi — abjektyŭny praces, jaki nie źjaŭlajecca praduktam vyklučna «subjektyŭnaj palityčnaj voli» asobna ŭziatych ludziej, zajaviŭ kiraŭnik kamiteta Savieta Fiederacyi Rasii pa mižnarodnych spravach Kanstancin Kasačoŭ na sustrečy z udzielnikami rasijska-biełaruskaha konkursu «Sajuznaja liha debataŭ» u vierchniaj pałacie rasijskaha parłamienta, adkazvajučy na pytańnie pra pierśpiektyvy dvuchbakovych adnosin u vypadku źmieny ŭłady ŭ Biełarusi, paviedamlaje TASS.
«Pa maim hłybokim pierakanańni, našy adnosiny — nie faktar niejkaj subjektyŭnaj palityčnaj voli asobna ŭziatych ludziej, nie. Luby prezident, jaki ŭznačalvaje adpaviedna Rasiju i Biełaruś, pa maim hłybokim pierakanańni, kali jon pravilna razumieje nastroj ludziej, budzie pracavać na rasijska-biełaruskuju intehracyju, tamu dla mianie hetyja pracesy nijak nie źviazanyja z kankretnymi asobami», — skazaŭ Kasačoŭ.
Sienatar upeŭnieny, što luby čałaviek, jaki «rana ci pozna» pryjdzie na źmienu prezidentam Rasii i Biełarusi, surjozna padarvie svaju palityčnuju reputacyju, kali pasprabuje «pamianiać viektar našaj intehracyi, charaktar našych adnosin».