Pra heta paviedamiła žurnalistam staršynia Centrvybarkama Lidzija Jarmošyna pavodle vynikaŭ pasłańnia Łukašenki narodu i parłamientu, piša BiełTA.
Kiraŭnik dziaržavy ŭ pasłańni skazaŭ, što dobrym pieryjadam dla praviadzieńnia hetych vybaraŭ źjaŭlajecca 7 listapada. «Ja ŭžo prykinuŭ, što heta čaćvier, a ŭ nas zvyčajna ŭ niadzielu (vybary), a naohuł treba pahladzieć, nakolki heta adpaviadaje pracoŭnamu zakanadaŭstvu i ci mahčyma heta ŭ śviatočnyja dni, a nie tolki ŭ vychodnyja».
«Ja dumaju, dumka cikavaja», — adznačyła Lidzija Jarmošyna. Jana taksama źviarnuła ŭvahu, što, biezumoŭna, vybarčaja kampanija projdzie ŭ adpaviednaści ź dziejučym vybarčym zakanadaŭstvam.
Prezidenckija vybary, jak i padkreślivaŭ kiraŭnik dziaržavy ŭ pasłańni, projduć u adpaviednaści z Kanstytucyjaj. «A patrabavańni Kanstytucyi - heta nie paźniej za dva miesiacy da zakančeńnia terminu paŭnamoctvaŭ, heta značyć nie paźniej za 30 žniŭnia 2020 hoda», — skazała Lidzija Jarmošyna.
