Balnuju sistemu baraćby sa złosnymi parušalnikami pravił darožnaha ruchu mohuć uvieści ŭ Biełarusi hetaj viasnoj, paviedamiŭ siońnia žurnalistam, adkazvajučy na pytańnie BiełTA, ministr unutranych spraŭ Ihar Šunievič.
U kancy lutaha Ministerstva ŭnutranych spraŭ prapanavała ŭvieści novuju sistemu reahavańnia na naŭmysnyja i nieadnarazovyja parušeńni PDR z boku kiroŭcaŭ. Jana zaklučajecca ŭ tym, što za peŭnyja vidy pravaparušeńniaŭ u halinie darožnaj biaśpieki prapanujecca naličvać bały. Kali hramadzianin budzie nabirać peŭnuju ich kolkaść, to ŭ jaho buduć zabirać pravy na niekatory čas.
«My zaviaršyli pracu nad prajektam i adpravili na ŭzhadnieńnie ŭ kampietentnyja orhany. Nakolki ja viedaju, usie dziaržorhany razhledzieli prajekt i vykazali pryncypovuju zhodu ź im. Zastajecca zakanadaŭča pryniać narmatyŭny dakumient. Spadziajusia, heta adbudziecca viasnoj», — skazaŭ ministr.