Kaniec kinasahi «Hulnia tronaŭ» blizki. Prychilniki sieryjała ź nieciarpieńniem čakajuć raźviazki. A što chvaluje ŭ novych sieryjach zaniatych u telesieryjale akcioraŭ?
Kali jany atrymlivajuć scenar novaj sieryi, pieršaje, na što jany hladziać — śmierci, raspavioŭ u intervju Bi-bi-si akcior Ajziek Chempsted-Rajt, jaki hraje ŭ sieryjale rolu Brana Starka.
Ajziek ihraje Starka ź pieršaha epizoda, kali jaho hieroj byŭ skinuty ź viežy i pakalečany Džejmi Łanistaram.
Tady Branu, možna skazać, pašancavała, jon zastaŭsia žyvy. I z taho času Ajziek štohod turbujecca ab tym, kab Bran Stark nie zahinuŭ. I nie tolki jon.
«Pieršaje, što jany robiać, kali atrymlivajuć scenar — praviarajuć, pamruć ci nie», — kaža pra akcioraŭ kinasahi Chempsted-Rajt. Jon dadaje, što druhoje, što zvyčajna robić akcior — praviaraje, ci hinuć razam jaho siabry.
I kali mieč losu apuščany (časam litaralna), akcioram bačyć heta nie mienš ciažka, čym fanatam sieryjała.
«Vy budziecie bajacca luboj takoj znakavaj sceny, pra jakuju viedajecie, što jana adbudziecca. Jak, naprykład, scena «Čyrvonaha viasiella», — kaža Ajziek.
Heta klučavaja scena ŭ trecim siezonie, u jakoj byli zabityja niekalki hałoŭnych piersanažaŭ — bolšaść ź siamji Starkaŭ.
«My ŭsie viedali, što heta adbudziecca, i my stracim miłych nam Mišel (Fejrli), Ryčarda (Medzi) i Unu (Čaplin). Heta praŭda było sumna», — pryznajecca Ajziek.
«Ja ledź nie syšoŭ u pieršy dzień»
Zaraz Ajzieku ŭžo 20 hadoŭ. Kali jon pačaŭ zdymacca ŭ «Hulni tronaŭ», jamu było 11.
Jon pieražyŭ siem siezonaŭ, ździejśniŭšy doŭhaje padarožža z baćkoŭskaha zamka za Ścianu, jakaja abaraniaje siem karaleŭstvaŭ, kab viarnucca ŭ jakaści Trochvokaha krumkača — pradkazalnika, zdolnaha padarožničać u časie.
Ajziek pryznajecca, što kali jašče dziciem pačaŭ pracavać u prajekcie, jon nie byŭ upeŭnieny, što spravicca z tempam zdymak.
«Ja pamiataju samy pieršy dzień, my zdymali ŭ pryhožym miescy — Talimorskim lesie, pobač ź Biełfastam. Uvieś dzień išoŭ biaskoncy doždž, uspaminaje Ajziek. — Heta była scena, u jakoj my znajšli ščaniukoŭ lutavoŭka, i ŭsio heta było prosta biaźlitasna».
«Pamiataju, jak viarnuŭsia ŭ hatel z mamaj, i skazaŭ:» Nie ŭpeŭnieny, što zmahu. Heta praŭda składana».
«Zrazumieła, na nastupny dzień nieba prajaśniłasia, ale bolšuju častku hetaha dziesiacihodździa ŭmovy zdymak mała palapšalisia. Heta byli dobryja ŭvodziny da taho, ź jakim nadvorjem my sutykniemsia ŭ najbližejšyja dzieviać hadoŭ našaha žyćcia», - zaŭvažaje akcior.
«Seks z bratami i siostrami - niapravilna»
Pačaŭšy pracu ŭ padobnym prajekcie ŭ takim junym vieku, Ajziek daviedaŭsia pra mnostva rečaŭ, pra jakija ludzi zvyčajna daviedajucca kudy paźniej.
Incest, hvałt i seks - hetyja temy zajaŭleny ŭ sieryjale z samaha pačatku i paŭtarajucca z razu ŭ raz. Ajzieka vykidvajuć ź viežy, kali jon bačyć Džejmi i Sersieju Łanistar (brata i siastru) za seksam u pieršaj sieryi.
Jon kaža, što ŭ pačatkovych siezonach byli epizody, dla prahladu jakich jon byŭ jašče zanadta mały.
Ale jon śćviardžaje, što bačyć niekatoryja z samych šakavalnych scen u zdymkach sieryjała było dla jaho nie tak traŭmatyčna, jak heta mahło być dla hledačoŭ.
«Kali vy na zdymačnaj placoŭcy bačycie abiezhałoŭlenaje cieła i chłopca, jaki chavajecca za płachaj, vypampoŭvajučy kroŭ z prateza, heta razburaje ŭsiu mahiju», - kaža Ajziek.
«Što tyčycca seksu, maja mama davała mnie biaskoncyja niazručnyja lekcyi z hetaj nahody i kazała niešta nakštałt: «Tak, darahi, seksu z bratami abo siostrami nie pavinna być, heta niapravilna».
I choć toje, što adbyvałasia na placoŭcy, pa jaho śćviardžeńni, nie ŭpłyvała na jaho samoha, toje, što adbyvałasia za jaje miežami, prymusiła jaho zrazumieć, jak «Hulnia tronaŭ» źmianiła jaho žyćcio.
«Va ŭniviersitecie ja ŭpieršyniu padumaŭ: «O, heta ŭsio nie tak užo viesieła», - zaŭvažaje akcior.
Paśla vaśmi tydniaŭ vučoby jon kinuŭ kurs matematyki i muzyki va ŭniviersitecie Birminhiema ŭ 2017 hodzie, bo pryciahvaŭ da siabie zanadta šmat uvahi.
«Ja nie moh vyjści z aŭdytoryi biez taho, kab zrabić sełfi z kim-niebudź. Mnie było strašna vyjści kudy-niebudź i napicca, bo kožny hladzieŭ by na mianie i fatahrafavaŭ», - raspaviadaje Chempsted-Rajt.
Kaniec «strašny»
«Chadzili razmovy ab tym, kab usie, chto dažyvie ź pieršaha siezona da apošniaha, zrabili sabie tatuiroŭku», - raspaviadaje Chempsted-Rajt.
«Nas takich vosiem čałaviek - tyja, chto ŭsio jašče žyvy ź pieršaha siezona… Heta sapraŭdy dziŭna - my ŭsie adčuvajem, što pražyli cełaje žyćcio i karjeru, ale pry hetym naša žyćcio tolki pačałasia, tak što heta davoli dziŭnaja situacyja», - razvažaje akcior.
«Heta sapraŭdy zachaplalnaje pačućcio. Žudasnaje, ale zachaplalnaje», - kaža jon.
I pry kancy jašče para momantaŭ ź intervju Ajzieka Chempsted-Rajta radyjo Bi-bi-si, jakija my prosta nie možam nie zhadać.
Spojler dla Šona Bina
Najviadomy akcior Šon Bin byŭ nie ŭ kursie taho, jaki los napatkaje jaho hieroja Neda Starka - pakul adna ź jaho kaleh nie raskazała jamu pra heta.
«My zdymali piłot, i ja bałbataŭ z Dženifier El, jakaja hrała Kiejtlin Stark, - kaža Ajziek. - I jana skazała: tak, ty hinieš u kancy pieršaj ža knihi, Šon. A jon taki: «Što? Praŭda? Jon nie viedaŭ, što jaho tak chutka zabjuć».
Zachapleńnie nastaŭnikaŭ
Kali paśla zdymak Ajziek viarnuŭsia ŭ škołu, jaho hulnioj zachapilisia nie adnakłaśniki - jany byli zanadta małyja, kab ich cikavili ziemli Vesterosa.
«Ale maje nastaŭniki byli ŭ zachapleńni, - pryznajecca akcior. - U mianie byŭ vydatny nastaŭnik anhlijskaj, vialiki fanat «Hulni tronaŭ». Jon byŭ vielmi miłym».
«Dumaju, heta značyła, što ja moh mieć znosiny ź imi, jak darosły», - ličyć Ajziek Chempsted-Rajt.
Hladzicie taksama:
U internecie źjavilisia kadry z novaha siezona «Hulni tronaŭ» VIDEA
