5 krasavika «Akademkniha» zaprašaje na prezientacyju knihi vieršaŭ «Unukam» Łarysy Hienijuš (pry ŭdziele Hleba Łabadzienki.)
Paetka i patryjotka Łarysa Hienijuš razam z mužam Jankam była asudžanaja na 25 hadoŭ stalinskich łahieraŭ. Ich razłučyli z synam, kali Jurku było 12.
Paśla vyzvaleńnia Hienijušy pasialilisia ŭ Zelvie, ale syn musiŭ zastavacca žyć u Biełastoku. Naradzilisia ŭnuki — Michaś i Aleś. Paetku vypuścili da ich tolki raz za dvaccać piać hadoŭ. Unukam dazvalał i pryjazdžać da babuli raz na dva hady.
Usio, što mahła, jana starałasia dać im u listach i vieršach.
U hetuju knihu ŭvajšli 52 dziciačyja vieršy Łarysy Hienijuš, jakija nikoli nie drukavalisia raniej. Jašče 39 vieršaŭ padajucca ŭ niekalkich varyjantach - knižnym i aŭtarskim (časam ich było dva-try). Čytač moža sam acanić, nakolki byli adredahavanyja i adcenzuravanyja hetyja tvory.
Upieršyniu drukujucca 17 listoŭ unukam. Šykoŭnyja aŭtarskija malunki z hetaj pierapiski dazvolili całkam azdobić knihu. U vyniku čytač maje samy poŭny zbor dziciačych vieršaŭ Łarysy Hienijuš, azdobleny aŭtarskimi malunkami paetki. Poruč dajucca listy i paštoŭki ŭnukaŭ, jakija jany dasyłali babuli ŭ adkaz.
Materyjały, jakija skłali knihu, pachodziać z pryvatnaha archivu siamji Hienijušaŭ i Fondu Łarysy Hienijuš Centralnaj navukovaj biblijateki imia Jakuba Kołasa Nacyjanalnaj akademii navuk Biełarusi.
Ukłaŭ knihu Hleb Łabadzienka pry samym čynnym udziele starejšaha ŭnuka paetki Michasia Hienijuša.
Prezientacyja adbudziecca ŭ Minsku ŭ ramkach knižnaha fiestyvala Pradmova ŭ prastory OK16 (vuł. Kastryčnickaja, 16). Pačatak a 20.00.
Nabyć heta, a taksama inšyja novyja vydańni i biestsielery, možna ŭ kniharni «Akademičnaja kniha» (pr. Niezaležnaści, 72).
RUP «Akademičnaja kniha» UNP 101462648
