Fiestyval intelektualnaj knihi «Pradmova» adbudziecca sioleta ŭ horadzie nad Buham. 30 sakavika, u subotu čarhovy dzień fiestyvalnaj prahramy projdzie ŭ Prastory KCH (vuł. Chałturyna 2/1). U Brest pryjazdžajuć cikavyja tvorcy: muzyki, mastaki, historyki, fiłosafy i litaratary — Pavieł Tatarnikaŭ i Aleś Čumakoŭ (hurt «Stary Olsa»), Nadzieja Jaśminska i Alena Kazłova (Anka Upała), Illa Sin i Halina Siŭčanka, Ihar Babkoŭ i Valer Hapiejeŭ, Alaksandr Paškievič i Andrej Januškievič, Maksim Harunoŭ i šmat chto jašče.
Taksama ŭ fiestyvalnaj prahramie varta čakać udziełu samich bieraściejcaŭ: mastački Hanna Radźko i Vieranika Lemiešava, pierakładčyk Jaŭhien Bialasin, piśmieńnik Siarhiej Biełajar, pierakładčyk i vydaviec Siarhiej Amialčuk, historyk Andrej Harbacki.
Vydaviectvy «Halijafy», «Januškievič», IP Raman Cymbieraŭ, IP Aleś Dudar razharnuć na feście knižny kirmaš, tak što heta dobraja mahčymaść taksama nabyć navinki ad vytvorcaŭ.
Bahataja dziciačaja prahrama, vystupy i dyskusii, prezientacyi i žyvaja muzyka — usio heta vas čakaje na fiestyvali «Pradmova» ŭ Breście!
Sačycie za padziejami:
| 11.00-11.50 | Prajekt «ZaČtienije»: Prahrama «Skok-paskok pa krainach» dla dziaciej 4—10 hod. | |
| 11.50-12.30 | N. Jaśminska. «Dom cikaŭnych kazak». Hučnyja čytańni i aŭtohraf-siesija dla dziaciej 4—10 hod. | |
| 12.30-13.30 | Sustreča-prezientacyja «Śviet dziciačaj ilustracyi». Udzielniki — Pavieł Tatarnikaŭ, Hanna Radźko, Vieranika Lemiešava i inš. Aŭtohraf-siesii mastakoŭ z novymi knižkami. | |
| 13.30-13.50 | Jaŭhien Bialasin «Fiłasofskaja liryka Frydrycha Šylera». Vystup i prezientacyja knihi ź sieryi «Paety płaniety» | |
| 13.50-14.50 | «Naša historyja», ci Jak zrabić histaryčnuju viedu papularnaj?» Hutarka z Alesiem Paškievičam (namieśnik redaktara časopisa «Naša historyja»), Andrejem Januškievičam, Paŭłam Bułatym, Andrejem Harbackim. Viadoŭca — Lila Iljušyna. | |
| 14.50-15.20 | Prezientacyja knihi afaryzmaŭ Vasyla Prostopčuka «Nieprystolnyja hnomy» pry ŭdziele pierakładčyka i vydaŭca Siarhieja Amielčuka. | |
| 15.20-16.00 | Prezentacyja knih Illi Sina «Libido» i Haliny Siŭčanka «Zoŭ zvyčaju». Litaraturnaje šou. | |
| 16.00-16.30 | Psichahieahrafičnaje padarožža Minsk — Varšava — Bieraście — Homiel — Vilnia praz raman «Chvilinka» razam z aŭtaram — łaŭretam premii Hiedrojca — Iharam Babkovym (i jahonymi cieniami). | |
| 16.30-17.10 | «Halijafy»: Prezientacyja ramana Valeryja Hapiejeva «Pazł». Hutarka z aŭtaram i aŭtohraf-siesija. | |
| 17.10-18.00 | Dyskusija «Jak być (anty)fiłosafam u sučasnym hramadstvie». Udzielniki — Ihar Padporyn, Alaksandr Sarna, Maksim Harunoŭ. Maderatar — P. Barkoŭski. | |
| 18.00-18.25 | Halijafy: Prezientacyja knihi Siarhieja Biełajara «Rasśledavańni inśpiektara Sarvy». Hutarka z aŭtaram i aŭtohraf-siesija. | |
| 18.25-18.55 | Paetyčny mikrafon: Iryna Mackievič, Darja Bialkievič, Julija Mielichava, Darja Łaŭrynovič. | |
| 18.55-19.20 | Biełaruski PEN-centr: Prezientacyja prajektaŭ i naminantaŭ šort-listu premii Hiedrojca-2018. | |
| 19.20-20.00 | Anka Upała ź lekcyjaj «Skandynaŭski aŭtabijahrafičny raman». Prezientacyja knihi «Na zaśniežany vostraŭ» i aŭtohraf-siesija. | |
| 20.00-20.30 | Aleś Čumakoŭ («Stary Olsa») i Taćciana Jačnaja («Apošni šylinh»). Etničnaja i sučasnaja muzyka. | |
| 20.30-21.00 | Zaviaršeńnie fiestyvalnaj prahramy | |
* U prahramie mahčymyja niaznačnyja źmieny
** Usie knihi, jakija buduć prezientavacca (i šerah inšych), možna budzie nabyć ciaham usiaho fiestyvalnaha dnia.
Fiestyval intelektualnaj knihi «Pradmova» adbyvajecca sioleta ŭ druhi raz. U sakaviku imprezy prachodziać u Połacku, Harodni, Homieli, Bieraści, a z 4 pa 7 krasavika fiestyval adbudziecca ŭ mienskim chabie Ok16, 13 krasavika fiestyval taksama zavitaje ŭ Babrujsk. Prahrama nasyčanaja vystupami biełaruskich i zamiežnych piśmieńnikaŭ dy intelektuałaŭ i maje metaj pajadnać usich udzielnikaŭ litaraturnaha pracesu: vydaŭcoŭ, krytykaŭ, piśmieńnikaŭ, pierakładčykaŭ, dyzajnieraŭ i, viadoma ž, čytačoŭ, zacikaŭlenych u jakasnaj knizie.
