Rekamiendacyja dobrych knih dla čytańnia — sprava nie tolki biblijatek, ale i hramadskaści, u tym liku publicystaŭ i piśmieńnikaŭ. Takoje mierkavańnie siońnia vykazaŭ ministr infarmacyi Alaksandr Karlukievič na sustrečy ŭ Hrodzienskaj abłasnoj navukovaj biblijatecy imia Karskaha, paviedamlaje BiełTA.
Udzielnikami mierapryjemstva stali piśmieńniki, paety, publicysty, vydaŭcy z Hrodzienskaha rehijona, kalektyŭ biblijateki. Padčas dyjałohu była zakranutaja tema papularnaści knih, ich prasoŭvańnia.
«Liču, što prapahanda toj ci inšaj knihi, rekamiendacyja tvory, naprykład, jak dobraj pryłady dla vychavańnia, sprava nie tolki i nie stolki biblijatekaraŭ, kolki hramadskaści: ad piedahohaŭ da piśmieńnikaŭ i publicystaŭ. Čym bolš budzie abmierkavańniaŭ taho, što čytajuć, što varta pračytać, čym bolš budzie aŭtarytetnych mierkavańniaŭ na hetuju temu, tym bolš buduć da ich prysłuchoŭvacca», - adznačyŭ Alaksandr Karlukievič i dadaŭ, što taksama raźvivajecca knihavydavieckaja śfiera: u Biełarusi ŭ minułym hodzie pabačyli śviet zvyš 9,6 tys. nazvaŭ knih i brašur.
