Mike Burns, flickr.com
Amierykanski hitaryst Dzik Dejł pamior va ŭzroście 81 hoda.
Jaho sapraŭdnaje imia było Ryčard Entani Mansur, jon naradziŭsia ŭ 1937 hodzie ŭ Bostanie ŭ siamji vychadcaŭ ź Livana (pa baćku), Polščy i Biełarusi (pa linii maci).
Dejł viadomy jak zasnavalnik muzyčnaha stylu siorf-rok, jaki staŭ papularny ŭ 1960-ch dziakujučy takim hrupam jak The Beach Boys i The Ventures. Za hady muzyčnaj karjery jon vypuściŭ 11 albomaŭ i 14 zbornikaŭ.
Jahony hałoŭny chit 1962 hoda Misirlou vykarystaŭ Kviencin Tarancina dla «Kryminalnaha čytva».
Aryhinalnaje vykanańnie 1963 hoda
U apošnija hady Dzik Dejł zmahaŭsia z rakam pramoj kiški, pakutavaŭ na dyjabiet i mieŭ prablemy z pazvankami. Niahledziačy na chvarobu, jon aktyŭna hastralavaŭ i navat zapłanavaŭ vystupy na maj i letnija miesiacy. Miedycynskaja strachoŭka nie pakryvała vydatki na lačeńnie.
