Sihnał ad dziažurnaha pa MNS pra toje, što znojdziena avijacyjnaja bomba na budaŭničaj placoŭcy pa vulicy Aeradromnaj u Minsku pastupiŭ 16 sakavika pryblizna ŭ 11:20 u dziažurnuju słužbu vajskovaj čaści 5448.
Pry praviadzieńni rabot ekskavatar vyniaŭ jaje ź ziamli, paviedamili ŭ pres-słužbie ŭnutranych vojskaŭ MUS.
Milicyja ačapiła rajon i evakuiravała budaŭnikoŭ.
Sapiorna-piratechničnaja hrupa vyznačyła, što heta fuhasnaha avijacyjnaja bomba savieckaj vytvorčaści kalibram 100 kh z vybuchoŭnikam FAB-100.
Pavodle infarmacyi sajta «Usio ab Druhoj suśvietnaj», takija avijabomby roznych madyfikacyj vypuskalisia ŭ SSSR z 1932 hoda i vykarystoŭvalisia ŭ hady vajny.
Na ich byli vybuchoŭniki imhniennaha dziejańnia, niekatoryja z zatrymkaj 0,3 s. Daŭžynia takich bomb składała 964 mm; dyjamietr — 267 mm; masa — 100 kh; masa vybuchovaha rečyva — 70 kh; taŭščynia ścienak — 14 mm; radyus paražeńnia — 18 m.
Sapiory ahledzieli terytoryju, inšych niebiaśpiečnych pradmietaŭ vyjaŭlena nie było. Avijabombu ŭ śpiecaŭtamabili ŭ supravadžeńni ekipaža DAI transpartavali za miežy Minska na padryŭnuju placoŭku dla źniščeńnia.