18 studzienia ŭ 12.30 ŭ Biełaruskim muzei pa adrasie 401 Atlantic Ave., Brooklyn, N.Y. adbudziecca adkryćcio vystavy «Soncakryž» i sustreča z skulptaram i mastkom Alesiem Šaternikam, jaki, akramia tvoraŭ vyjaŭlenčaha mastactva, prezentuje vydadzienuju ŭ Miensku, svaju novuju knihu‑albom «Soncakryž». Albom składajecca z troch častak: Forma, Koler, Słova. Jak vyznačaje aŭtar svaju tvorčaść: «Žyvapis — heta dźviuchmiernaja prastora, skulptura — trochmiernaja, a paetyčnaje Słova vychodzić pa‑za miežy hetych prastoraŭ i nabližajecca da čaćviertaha vymiareńnia — Boskaha Słova. «Napačatku było Słova...»
Aleś Šaternik — siabar mastackaj supołki «Pahonia», adzin z aŭtaraŭ «Zvana Svabody», a taksama pomnika Tadevušu Kaściušku ŭ amerykanskaj ambasadzie ŭ Miensku.
Ekspazycyja składajecca z 35 alejnych pałocien. Heta ŭ asnoŭnym krajavidy rodnaj Baćkaŭščyny, architektura chramaŭ Biełarusi.
Zaprašajem usich na vystavu. Dla tych, chto žadaje finansava dapamahčy ŭ arhanizacyi vystavy, kantaktujcie praz teł.: 646 234 9240 ci dasyłajcie čeki pa adresie: Belarusan Museum 401 Atlantic Ave, Brooklyn
