Hałoŭnaj zadačaj Paŭnočnaj dyvizii stanie kiravańnie vajennymi apieracyjami ŭ svajoj śfiery adkaznaści.
Z hetaj metaj štab prystupić da płanavańnia i kiraŭnictva vajennymi apieracyjami, płanavańnia i intehracyi dziejnaści dadadzienych dla ŭzmacnieńnia rehijonu častak i padraździaleńniaŭ NATA, a taksama da arhanizacyi na ŭzroŭni štaboŭ vučeńniaŭ u adpaviednaści ź dziaržaŭnymi nataŭskimi płanami abarony.
Adździaleńnia štaba dyvizii ŭ mirny čas buduć raźmiaščacca ŭ Adažy ŭ Łatvii i Karupie ŭ Danii. Pieršym načalnikam štaba Paŭnočnaj dyvizii stanie hienierał-major Uzbrojenych sił Danii.
Pieršasnaj apieratyŭnaj hatoŭnaści štab dasiahnie ŭ pieršym paŭhodździ 2019 hoda. Poŭnaja apieratyŭnaja hatoŭnaść budzie zabiaśpiečana na praciahu niekalkich hadoŭ.
Varta adznačyć, što ŭ strukturu Aljansu štab pakul nie ŭvachodzić, bo jaho ŭklučeńnie ŭ orhany vajennaha kiravańnia NATA pavinny zaćvierdzić na ministerskaj sustrečy, bližejšaja adbudziecca ŭ červieni.
Paśla zaćviardžeńnia štab-kvatera zmoža atrymlivać finansavańnie ź biudžetu NATA, a siły aljansu zmohuć vykarystoŭvać jaje dla praviadzieńnia svaich apieracyj.
