Na płoščy Pieramohi ŭ Viciebsku ŭ padziemnym pierachodzie ŭ pierakryćciach źjavilisia raskoliny, ź jakich praciakaje vada, pry nizkaj tempieratury vilhać zamiarzaje.
Na stoli halerej padziemnaha pierachodu raskoliny źjavilisia nie siońnia, ale pastupova jany stanoviacca ŭsio bolšymi. Uździejańni transpartu i nadvorja pryviali da taho, što raskoliny nastolki pašyrylisia, što skroź ich płyńniu praciakaje vada z łužyn na pavierchni, jakaja zamiarzaje pry nizkich tempieraturach.
Tak, u pačatku sakavika paśla načnych zamarazkaŭ na niekalkich učastkach pierakryćcia pierachodu možna było bačyć ledziašy, jakija źvisali. Bolš za ŭsio paškodžana zachodniaja halereja, u jakoj na stoli z-za praciakańnia paŭsiul adsłojvajecca tynkoŭka i źjaŭlajucca novyja raskoliny.
Padziemny pierachod byŭ rekanstrujavany mienš za 10 hadoŭ tamu.
