Vieniesuelskija vajskoŭcy ŭžyli ślezaciečny haz i humovyja kuli, kab nie dapuścić u krainu hruzaviki z humanitarnaj dapamohaj, pieradaje The Guardian.
Paźniej pa nieviadomych pryčynach adbyłosia ŭzharańnie adnaho aŭtamabila, a z časam ahoń raspaŭsiudziŭsia i na inšyja hruzaviki.
Infarmacyju pra heta paćvierdziŭ taksama lidar apazicyi Vieniesueły Chuan Huajdo.
«Režym uzurpatara ŭžyvaje najbolš ahidnyja dziejańni i sprabuje spalić hruzavik z humanitarnaj dapamohaj… Našy advažnyja dobraachvotniki stvarajuć akružeńnie dla abarony praduktaŭ charčavańnia i lekaŭ», — zajaviŭ Huajdo.
Pavodle paviedamleńnia niekamiercyjnaj arhanizacyi Foro Penal, nie mienš čatyroch čałaviek zahinuli i 18 atrymali ranieńni.
U svaju čarhu ministr zamiežnych spraŭ Kałumbii Karłas Olmies Truchiljo zajaviŭ, što sama mieniej 285 čałaviek paciarpieli ŭ vyniku sutyknieńniaŭ pamiž vałanciorami i vieniesuelskimi pravaachoŭnymi orhanami na miažy Kałumbii i Vieniesueły.
Pavodle kiraŭnika źniešniepalityčnaha viedamstva, siarod paciarpiełych 255 vieniesuelcaŭ i 30 kałumbijcaŭ.
