Ź siońniašniaha dnia ruch usich vidaŭ transpartu pa vulicy Janki Kupały na ŭčastku ad vulicy Maksima Bahdanoviča da Kujbyšava zakryvajecca na čas budaŭničych rabot. Taksama abmiažoŭvajecca ruch pa vulicy Bahdanoviča — budzie arhanizavana tolki pa adnoj pałasie ŭ kožnym napramku.
Časovy aŭtobusny maršrut №929 «DS Kalinoŭskaha — Kamaroŭski rynak» arhanizavany ŭ Minsku na čas zakryćcia dla ruchu ŭčastka vuł. Ja. Kupały.
Trasa aŭtobusa supadaje z trasaj tralejbusa №29 sa źmianieńniem na ŭčastku ad vuł. Surhanava (jana praciahvajecca pa Kujbyšava, prasp. Mašerava, vuł. Bahdanoviča, Charužaj, Kujbyšava ŭ pramym napramku, u advarotnym — pa Kujbyšava, Surhanava i dalej pa tralejbusnamu maršrucie).
Unosiacca źmieny ŭ pracu nastupnych maršrutaŭ: aŭtobusy №24 z boku vulicy Ł. Biady pajeduć pa Kujbyšava, Charužaj, Bahdanoviča, z boku vulicy Niamiha — pa M. Bahdanoviča, prasp. Mašerava, Kujbyšava z vykanańniem usich pramiežkavych prypynačnych punktaŭ na źmienienym učastku ŭ abodvuch napramkach.
Maršrut aŭtobusa №57 ad DS Uschodniaja časova arhanizujecca pa vulicach Pulichava, Pieršamajskaj, Janki Kupały, prasp. Niezaležnaści (z razvarotam na pł. Pieramohi pry ruchu ŭ napramku Siamaška), vulicach Haradski Vał, Niamiha i dalej pa maršrucie ŭ abodvuch napramkach z usimi pramiežkavymi prypynkami akramia «pł. Pieramohi», «prasp. Niezaležnaści».
Ruch tralejbusaŭ №29 arhanizujecca ad vulicy Kuźmy Čornaha da DS Lermantava pa vuł. Surhanava, pł. Banhałor, vuł. Bahdanoviča, Niamiha, prasp. Dziaržynskaha, vulicach Ščorsa, Luksiemburh, Lermantava ŭ pramym napramku, u zvarotnym - pa vulicach Libkniechta, Chmialeŭskaha, Luksiemburh, Ščorsa, prasp. Dziaržynskaha, vulicach Niamiha, Bahdanoviča, Surhanava i dalej pa maršrucie. Časovy maršrut pierajmienavany ŭ №29A «DS Kalinoŭskaha — DS Lermantava»
Tralejbusy №40 pajeduć z boku vuł. Niamiha da DS Karastajanavaj pa vuł. Bahdanoviča, pł. Banhałor, vuł. Surhanava, Karastajanavaj u abodvuch napramkach.
Tralejbusny maršrut №12 admianiajecca.
Akramia taho, časova vyklučajecca z transpartnaha absłuhoŭvańnia prypynačny punkt «Kamunistyčnaja» pa vulicy Kujbyšava. Najbližejšyja alternatyvy — «Kamunistyčnaja» i «Opierny teatr» pa vulicy Bahdanoviča.