Maju honar abvieścić pra novy numar «Našaj historyi».
Što mnie asabista było sama cikava i sama składana rychtavać: heta artykuł pra Juryja Andropava. Ci razvaliŭsia b SSSR, kab hety šef KHB pražyŭ daŭžej? Stolki małaviadomych bijahrafičnych faktaŭ pra hetaha čałavieka.
Što mianie ŭraziła i mnohich urazić: pra naščadkaŭ prusaŭ pad Lidaj. Ja dla siabie adkryŭ, što Pielasa i bałcki ankłaŭ vakoł jaje ŭ Voranaŭskim rajonie, heta nie naščadki litoŭcaŭ, a prusaŭ, vyviedzienych u pałon Kiejstutam. I voś jany to nie asimilavalisia. Hety artykuł napisaŭ najlepš śpiecyjalist pa litoŭcach Biełarusi kandydat histaryčnych navuk Juryj Unukovič.
«Jechali, malilisia, nie vieryli ŭ toje, što bačyli» Ja nadta lublu «žyvuju historyju» — vielmi asabistyja, zaŭsiody ciopłyja ŭspaminy, jakija nam dasyłajuć starejšyja ludzi. Hetym razam — nastaŭnica sa Smarhonskaha rajona Jaŭhienija Kulevič.
Za što ja vielmi rady — heta za artykuł pra dziciačyja hulni 1960-ch, 70-ch i 80-ch. Śviatłana Kurs uspaminała i apisała.
Što niekatoryja buduć krytykavać: padborku pra dziaciej dziejačoŭ biełaruskaha ruchu. Baćki byli vialikimi ludźmi. A jak skłałasia žyćcio dziaciej?
Dušeŭnaja hutarka z Alesiaj Łuckievič pra dzieda Antona i tatu Jurku. «Ja čytała pierapisku śpiecsłužbaŭ i razumieła, što nas uvohule nie pavinna było być», — kaža jana. Taki epizod: navat pry savietach tata 25 Sakavika braŭ jaje za ruku, i jany nieśli hvaździki na miesca pakarańnia Kalinoŭskaha.
Navukovaje adkryćcio ŭ numary — heta bijahrafija Majsieja Hutmana. Radny BNR byŭ, a pra jahony dalejšy los nichto raniej nie pisaŭ. Jaho raskapaŭ kandydat histaryčnych navuk Uładzimir Lachoŭski.
Hruntoŭna — pra zahadku partreta Januša Radziviła. Heta byŭ čałaviek, jaki bačyŭ našu krainu ŭ sajuzie nie z Rasijaj ci Polščaj, a sa Šviecyjaj. Ale nas tut cikavić, ułasna, jaho partret, jaki ciapier akurat vystavili, restaŭravany, u Mastackim muziei.
Mnohija aceniać: kalekcyja paštovak da 8 Sakavika, jak jany mianialisia ciaham stahodździa, ad revalucyjnych da kapitalistyčnych.
Dzieci De Hola i dzieci Miterana: jak roźniłasia asabistaje žyćcio dvuch vialikich francuzskich prezidentaŭ.
Nu i na amatara: pałterhiejst u Barysavie — źjava, zafiksavanaja milicyjaj, jakaja dahetul nie atrymała fizičnaha tłumačeńnia.
Ciažka rabić vybarku: u «Našaj historyi», jak zaŭsiody, niama «prachadnych» tekstaŭ. Alaksandr Paškievič — ab Polska-savieckaj vajnie; Aleś Bieły — pra ščupaka; Vital Čyrvinski — pra hienierała Vajciachoŭskaha; Andrej Vaškievič — stop-fejk pra adno fota; Viktar Lutynski — pra Rahvałodaŭ kamień; nastaŭnik z Kamianieččyny Alaksiej Šumier — pra suvienir ostarbajtara… Nu i našy adbornyja komiksy. Voś źmiest:
Pytajciesia časopis u šapikach i kramkach «Biełsajuzdruku» abo na poštach. A taksama voś ahulny śpis kniharań, dzie možna znajści naš časopis u roznych haradach:
Minsk
«Akademkniha» (na stancyi mietro Akademija navuk)
Filija «Akademknihi» na Bahdanoviča, 46
Symbal.by (pr. Mašerava, 18)
Handlovy centr «Kupałaŭski» (pad Kastryčnickaj płoščaj), kramy 41—42 i 44—45
«Halijafy» (Niamiha, 3, krama № 47 na cokalnym paviersie)
«Moj modny kut» (Centr Maskoŭska-Vienski, paviljon 333 — heta kala CUMa, mietro Jakuba Kołasa, pr. Niezaležnaści 58)
Knižny kirmaš pa vuł. Daŭmana, 23 (subota 00.00-14.00), miesca 78b
«Rahna» (Suchaja, 4, mietro Frunzienskaja)
«Knižnaja šafa» (Dziaržynskaha, 9)
dy inšyja
Poštaj ci z dastaŭkaj na dom
vy možacie jaho zamović praz Symbal.by, Halijafy.by, Knihi.by, Kniger.by, Akademkniga.by, Ragna.by.
Hrodna
«Cudoŭnia» (Kirava, 3)
dy inšyja
Brest
«Pravilnaja kniha» (Kujbyšava 13, kala rynku)
«Kniaź Vitaŭt» (Savieckaja, 55)
dy inšyja
Homiel
«Knižny śviet» (pr. Lenina, 45)
Viciebsk
«Śvietač» (Kirava, 10)
dy inšyja
Mahiloŭ
«Haściniec» (Viciebski praśpiekt, 48)
dy inšyja
Babrujsk
«Krynica viedaŭ» (Horkaha, 31).
Baranavičy
«Knihi» (vuł. Savieckaja, 73)
Maładziečna
«Spadčyna» (vuł. Prytyckaha, 7)
Lida
«Knižny śviet» (pr. Pieramohi, 33)
Navapołack
«Dom knihi» (vuł. Maładziožnaja, 145)
«Uschod» (vuł. Kirava, 4)
Pinsk
«Moj modny kut» (vuł. Lenina, 31)
Vilnia
Pabačyć možna ŭ šapiku biełaruskaj parafii kaścioła ŭ Zareččy (Užupis), jon pracuje ŭ niadzieli, padčas słužby.
Varšava
Pabačyć možna ŭ Biełaruskim domie (13/3, Wiejska).
Nahadvajem, što časopis možna kupić i ŭ PDF, u elektronnaj viersii. Rekamiendujem jaje dla ŭsich, u kaho niama dostupu da papiarovaj viersii.
Padpisny indeks 00469
Vy ž viedajecie, što na 2019 hod užo možna padpisvacca. Padpisny indeks 00469. Pryčym pa padpiscy časopis abychodzicca tańniej, čym u kramach i kijoskach.
Jakija pryncypy novaha časopisa
My robim navukova-papularny časopis. Heta značycca, što jon aryjentavany na prostaha čytača, a nie navukoŭcaŭ. Naš padychod — historyja prostymi słovami.
My zadumali jaho jak časopis, jaki budzie jadnać, a nie dzialić. Akramia taho, nam važnyja sistemnaść, abjektyŭnaść i histaryzm. Nam važna pisać bieź mifałohii i mistyfikacyj, bo tolki praŭda cikavaja.
