Zavieršana rasśledavańnie kryminalnaj spravy ab zabojstvie i zamachu na zabojstva ŭ Dubrovienskim rajonie
Čytajcie taksama: Pjany žychar Dubrovienščyny zabiŭ adnaviaskoŭca i paraniŭ padletka
6 kastryčnika 2018 hoda ŭ adnoj ź viosak Dubrovienskaha rajona niekalki čałaviek raśpivali śpirtnyja napoi. Uviečary, kali častka kampanii razyšłasia pa chatach, pamiž astatnimi mužčynami ŭźnik kanflikt. Adzin ź ich syšoŭ i praź niekatory čas viarnuŭsia sa strelbaj, ź jakoj streliŭ pa ludziach. U vyniku 41-hadovy mužčyna atrymaŭ ahniastrelnaje ranieńnie i pamior, a 16-hadovy junak byŭ špitalizavany z ahniastrelnym ranieńniem plača.
Padazravany ź miesca zdareńnia ŭciok, adnak jaho zatrymali na praciahu niekalkich hadzin.
U chodzie śledstva vyśvietleny i inšyja fakty supraćpraŭnaj dziejnaści abvinavačanaha. Tak, mužčyna niezakonna nabyŭ, zachoŭvaŭ i nasiŭ bojeprypasy i vybuchovyja rečyvy, jakija byli znojdzieny ŭ apošniaha pa miescy žycharstva padčas pieratrusu. Taksama viadoma, što mužčyna raniej stralaŭ u svaich znajomych, adnak tady jon nikoha nie zabiŭ i nie paraniŭ.
Abvinavačany znachodzicca pad vartaj. Materyjały kryminalnaj spravy rychtujucca dla pieradačy prakuroru dla nakiravańnia ŭ sud.
