Rasijskija srodki kantrolu pavietranaj prastory nad niejtralnymi vodami Bałtyjskaha mora vyjavili pavietranuju cel, što padlatała da dziaržaŭnaj miažy, i padniali samalot na pierachop. Pra heta paviedamili RBK u departamiencie infarmacyi i masavych kamunikacyj Minabarony Rasii.
Dla pierachopu ŭ pavietra padniaŭsia źniščalnik Su-27 sa składu dziažurnych sił pa supraćpavietranaj abaronie. Ekipaž rasijskaha źniščalnika nabliziŭsia na biaśpiečnuju adlehłaść da celi, jakoj akazaŭsia samalot-vyviednik Gulfstream VPS Šviecyi. U departamiencie adznačajuć, što samalot lacieŭ biez uklučanaha transpondara. Paśla taho jak vyviednik adyšoŭ ad rasijskaj miažy, rasijski źniščalnik Su-27 viarnuŭsia na aeradrom bazavańnia. Minabarony Rasii apublikavała videa ź incydentam.
U pačatku studzienia stała viadoma, što Minabarony padrychtavała prajekt dakumienta, zhodna ź jakim vajskoŭcy zmohuć źbivać pasažyrskija samaloty-parušalniki. Pavodle zakona «Ab supraćdziejańni teraryzmu» SPA mohuć adkryvać ahoń pa zachoplenych bajevikami pasažyrskich samalotach, jakija znachodziacca ŭ pavietranaj prastory Rasii i nie padparadkoŭvajucca patrabavańniam uładaŭ. VKS Rasii pryvodziacca ŭ pavyšanuju bajavuju hatoŭnaść u vypadku, kali nieapaznany samalot nabližajecca da rasijskaj miažy na adlehłaść mienš za 50 kiłamietraŭ.
