Rasija viadzie adkrytuju kanfrantacyju z zachodnimi dziaržavami, što naŭprost upłyvaje na biaśpieku Narviehii i krain-sajuźnic. Pra heta ŭ svajoj štohadovaj pramovie ŭ Vajskovym tavarystvie zajaviŭ ministr abarony Narviehii Frank Bakie-Jensen, paviedamlaje The Independent Barents Observer.
Ministr abarony Narviehii Frank Bakie-Jensen, fota: The Independent Barents Observer.
«Zaniepakojenaść numar adzin — Rasija. My bačym vidavočnuju surjoznaść, źviazanuju z našym susiedam na Uschodzie», — padkreśliŭ Bakie-Jensen pierad aŭdytoryjaj z vyšejšych vajskovych čynoŭnikaŭ i ekśpiertaŭ pa abaronie.
Na dumku ministra, Rasija imkniecca da padryvu adzinstva Zachadu i mižnarodnaha supracoŭnictva i vykarystoŭvaje svaje vajskovyja i ekanamičnyja siły, hrebujučy dypłamatyjaj. «Ahułam, raźvićcio padziej u našym asiarodku pakazvaje, što my pavinny ŭličvać, što ŭzbrojeny kanflikt pamiž dziaržavami ŭ Jeŭropie bolš nie źjaŭlajecca niejmaviernym», — padkreśliŭ jon.
Bakie-Jensen dadaŭ, što nastupstvy sutyknieńnia mohuć być vielmi surjoznymi dla Krajniaj Poŭnačy. Jon taksama nahadaŭ pra šmatlikija zboi ŭ rabocie sistem GPS padčas vučeńniaŭ NATA, u jakich zamiašanyja rasijskija vajskoŭcy.
