Centralny čyhunačny vakzał u Varšavie. Fota: PAP/Tomasz Gzell
Centralny čyhunačny vakzał u Varšavie atrymaŭ imia ŭradženca Biełarusi kampazitara Stanisłava Maniuški.
«Heta adna z padziejaŭ prymierkavanych da inaŭhuracyi Hodu Maniuški ŭ Polščy i vynik namahańniaŭ Tavarystva amataraŭ muzyki Maniuški, zasnavanaha Maryjaj Fołtyn (Maria Fołtyn) — pra-pra-praŭnučki słavutaha kampazitara, pieradaje Polskaje radyjo.
U hałoŭnaj zale vakzała adbyłasia artystyčnaja častka z udziełam pradstaŭnikoŭ polskaha ŭrada, Tavarystva amataraŭ muzyki Maniuški, Nacyjanalnaj opiery, a taksama dziaržaŭnaj čyhunki.
Centralny čyhunačny vakzał — heta adzin ź simvałaŭ Varšavy i ikona madernizmu. Abjekt byŭ zdadzieny ŭ ekspłuatacyju ŭ 1975 hodzie.
Ciapier Varšava źjaŭlajecca adzinaj stalicaj u śviecie, u jakoj dva najbujniejšyja party, to bok Centralny čyhunačny vakzał i aeraport, nazvanyja ŭ honar viadomych kampazitaraŭ — Stanisłava Maniuški j Fryderyka Šapena.