Niekalki dzion tamu syšoŭ u adstaŭku namieśnik načalnika Departamienta vykanańnia pakarańniaŭ Siarhiej Sandaluk. Jon adkazvaŭ za ideałahičnuju pracu i kadravaje zabieśpiačeńnie.
Pavodle infarmacyi na sajcie MUS, ciapier heta pasada vakantnaja.
Vystupaje Siarhiej Sandaluk, fota dynamo.by
Błohier Niechta (supracoŭnik «Biełsata» Ściapan Puciła) u svaim telehram-kanale napisaŭ, što da adstaŭki moh pryvieści hiej-skandał u viedamstvie. Aŭtar padkreśliŭ, što infarmacyja niepaćvierdžanaja.
Sam Sandaluk śćviardžaje, što prosta vyjšaŭ na piensiju. «Vybiraju sabie novuju pracu, prapanovaŭ šmat», — prakamientavaŭ jon situacyju «Našaj Nivie».
Ci źviazany jaho sychod ź niejkaj historyjaj z kiroŭcam? «Kińcie, nie viercie čutkam», — zajaviŭ jon.
Siarhiej Sandaluk, fota Sb.by
Krynicy «Našaj Nivy» śćviardžajuć, što kiroŭca Sandaluka trapiŭ u niepryjemnuju situacyju, źviazanuju z prymianieńniem siły, i raskazaŭ pra heta načalniku. Toj pahadziŭsia dapamahčy padnačalenamu, kab taho nie pryciahnuli da adkaznaści, adnak zaduma pravaliłasia.
* * *
Siarhiej Sandaluk raniej kiravaŭ v/č 7404 u Baranavičach, jakaja śpiecyjalizujecca na kanvairavańni asudžanych.
