U abłasnym centry milicyja zatrymała žychara Hrodzienskaha rajona. Mužčynu 1982 hoda naradžeńnia padazrajuć u asabliva złosnym chulihanstvie. Ad jaho dziejańniaŭ paciarpieŭ 20-hadovy student ź Indyi, paviedamlaje sajt uvd.grodno.by.
Zdareńnie adbyłosia ŭ tambury adnoj z kram 2 studzienia. Padazravany stuknuŭ paciarpiełaha piŭnoj plaškaj pa hałavie, u vyniku čaho złamaŭ jamu nos. Sa słoŭ zatrymanaha, jon tak zrabiŭ u adkaz na niecenzurnaje słova z boku inšaziemca.
Chutčej za ŭsio, mužčynu zdałosia. Indyjec pa-biełarusku i pa-rusku nie havoryć. Padazravany raniej sudzimy za rabavańnie, nidzie nie pracuje i ŭ momant zdareńnia byŭ pjany.
Milicyja jaho zatrymała na kvatery ŭ siabra, kudy jon pryjechaŭ niekalki dzion tamu na navahodnija śviaty.
0
0
0
0
0
0
