Na fota: Adolfas Ramanauskas-Vanagas.
Rasśledavańnie pačata z-za apublikavanaj u sacyjalnych sietkach niedakładnaj infarmacyi ab zabojstvach im mirnaha nasielnictva. U palicyju źviarnuŭsia žurnalist vydańnia Lietuvos rytas, jaki paviedamiŭ, što ŭ sacyjalnaj sietcy Facebook raspaŭsiudžvajecca fota partyzana z nadpisam «Asabista zabiŭ bolš za 1000 suajčyńnikaŭ, navat niemaŭlat. A. Ramanaŭskas zabojca, jaki zabivaŭ litoŭcaŭ».
Prablemy mohuć źjavicca ŭ socień karystalnikaŭ sietki, jakija padzialilisia hetym paviedamleńniem. Jano atrymała kala 260 repostaŭ.
Paśla Druhoj suśvietnaj vajny A. Ramanaŭskas-Vanahas uznačalvaŭ partyzan Dzukii, a ŭ 1949 hodzie padpisaŭ ź inšymi partyzanskimi kamandzirami Dekłaracyju ruchu baraćby za svabodu Litvy.
Uzbrojenaja baraćba za adnaŭleńnie niezaležnaści Litvy viałasia da 1953 hoda.
A. Ramanaŭskas-Vanahas byŭ aryštavany ŭ 1956 hodzie, saviety jaho žorstka katavali — jamu vykałali voka i adrezali testykuły. U nastupnym hodzie jaho rasstralali.
Hałoŭny administracyjny sud Litvy ŭ listapadzie abviaściŭ, što Člen rady haradskoha samakiravańnia Kłajpiedy Viačasłaŭ Citoŭ raspaŭsiudziŭ iłžyvyja źviestki, kali abvinavaciŭ partyzanskaha kamandzira Adołfasa Ramanaŭskasa-Vanahasa ŭ zabojstvach mirnaha nasielnictva. Jon daŭ acenku vykazvańniu V. Citova ab tym, što A. Ramanaŭskas-Vanahas niasie adkaznaść za hibiel 8000 mirnych žycharoŭ.
