Kampanija, jakaja ŭvachodzić u dziaržkarparacyju «Rostiech», upieršyniu pakazała fatahrafiju novaj samachodnaj artyleryjskaj harmaty «Łotas», jakuju płanujecca pryniać na ŭzbrajeńnie pavietrana-desantnych vojskaŭ paśla 2020 hoda. Pra heta havorycca ŭ paviedamleńni raspracoŭnika, jakoje pastupiła ŭ RBK. Pavodle dadzienych krynic RBK u abaronna-pramysłovym kompleksie, u 2020 hodzie «Łotas» upieršyniu voźmie ŭdzieł u paradzie Pieramohi na Krasnaj płoščy.
Fota «Łotasa» apublikavana ŭ kalendary pradpryjemstva na 2019 h. u sacsietcy Instagram. Taktyka-techničnyja charaktarystyki pryłady nie raskryvajucca.
Raspracoŭščyk Dźmitryj Mielichaŭ patłumačyŭ pachodžańnie nazvy samachodnaj pryłady. «Svojeasablivym natchnieńniem dla nas stała kvietka łotasa. Niahledziačy na źniešniuju dalikatnaść, jana raście ŭ vielmi składanych umovach», — skazaŭ jon. Mielichaŭ adznačyŭ vysokija balistyčnyja charaktarystyki pryłady i efiektyŭnaść bojeprypasaŭ.
U pres-słužbie pradpryjemstva ŭdakładnili, što pracy pa stvareńni «Łotasa» viaducca dla pavyšeńnia ahniavych i manieŭranych mahčymaściaŭ padraździaleńniaŭ PDV. Zaraz pradpryjemstva zajmajecca zborkaj vyprabavalnaha ŭzoru novaj pryłady.
