Fota Novy čas
Papularny biełaruski błohier Eduard Palčys, viadomy jak «Džon Silvier», zaklikaŭ biełarusaŭ padtrymać hrašyma Partyju BNF, što sutyknułasia ź ciažkaściami pry apłacie centralnaj siadziby ŭ Miensku.
U pryvatnaści, Eduard Palčys, jaki taksama źjaŭlajecca redaktaram sajtu 1863x.com, dy byŭ źniavoleny za palityčnyja publikacyi, pryhadaŭ značeńnie BNF i siadziby BNF u padrychtoŭcy sioletniaha Śviata Niezaležnaści 25 sakavika:
Apošnija tydni ŚMI padvodzili vyniki hoda, i čaściakom u samych roznych formach tam zhadvali # BNR100. Ja admysłova nijakim čynam nie reahavaŭ na jakija-kolviek naminacyi abo rehalii, bo viedaju, što rabili ŭsio nie 3 čałavieki.
Dyk voś, adnym z hałoŭnych «vinoŭnikaŭ» śviata źjaŭlajecca Partyja BNF i asabista Ryhor Kastusioŭ. Ja sam vielmi lublu łajać apazicyjnyja partyi i ich lideraŭ, ale tut čystyja fakty — biaz ich ničoha b nie vyjšła.
Šmat chto śpiekuluje na temu taho, što kampanija BNR100 była vyhadnaja ŭładam, a toj chto heta ŭsio arhanizoŭvaŭ, maŭlaŭ, jość pramyja «adbielvalniki režymu», «ručnaja apazicyja» i syhrali na ruku uładam. Aha, u vyniku tak zhulali, što taho ž Kastusiova zatrymlivali letam maski-šoŭ za administratyŭny pratakoł, a Partyja BNF chutka zastaniecca biez pamiaškańnia. Kali chto nie viedaje, u ich utvaryŭsia vialiki doŭh pa apłacie ofisa, bo ŭłady dali im staŭku apłaty ŭ 3-4 razy bolš za zvyčajnuju.
Siadziba BNF doŭhi čas była praktyčna adzinym prytułkam dla šmatlikich kulturnych, sacyjalnych i palityčnych mierapryjemstvaŭ. I biez BNF naŭrad-ci atrymajecca ŭ budučyni rabić niešta padobnaje BNR100 -
- piša Eduard Palčys u svaim dopisie ŭ Fejsbuku.
Achviaravańni dla apłaty Siadziby BNF možna ździejśnić adnym z troch šlachoŭ:
1. Achviaravańni praz systemu «Raźlik» (ARIP) / «Rasčiet» (JERIP).
Pieraličyć hrošy praz systemu Raźlik (ARIP)/»Rasčiet» (JERIP) u lubym banku, praź internet-bankinh, mabilny bankinh, infakijosk, u bankamacie i h.d. Ździejśnić apłatu možna z vykarystańniem najaŭnych ci elektronnych hrošaŭ, bankaŭskich płaciožnych kartak.
Rekvizity dla pieraličeńnia achviaravańniaŭ možna znajści na sajcie https://raschet.by/ - u hrafie pošuku pasłuhaŭ nabirajcie BNF, ci kod pasłuhi 4431691
DLA PRAVIADZIEŃNIA PŁACIAŽU PRAZ JERIP TREBA:
Vybrać:
• Punkt «Sistema» Raźlik «(ARIP) / «Sistiema «Rasčiet» (JERIP)
• obŝiestviennyje objedinienija/hramadskija abjadnańni —
• pročije obŝiestviennyje objedinienija/inšyja hramadskija ab'dnańni
• BNF «Adradžeńnie»
• BNF «Adradžeńnie» — kod pasłuhi 4431691
Dla apłaty ŭvieści proźvišča, imia, imia pa baćku
Pravieryć karektnaść infarmacyi i ździejśnić płaciož.
Kali Vy achviarujecie praz kasu banka, kali łaska, paviedmicie kasiru ab nieabchodnaści praviadzieńnia płaciažu praz systemu «Raźlik» (ARIP) / «Rasčiet» (JERIP).
2. Achviaravańni praz bankaŭski rachunak
Achviaravańni dla apłaty Siadziby možna pieraličać i naŭprost na rachunak Hramadzkaha abjadnańnia BNF «Adradžeńnie»
Rekvizyty:
HRAMADZKAJE AB'JADNAŃNIE BNF «ADRADŽEŃNIE»
AAT «Bank BiełVEB» h. Minsk Minskaje adździaleńnie №2
BIC SWIFT: BELBBY2X
IBAN: BY70BELB30151001470040226000
UNP: 100052236
U hrafie «pryznačeńnie płaciažu» prosim paznačyć: «biazvypłatny ŭznos na apłatu arendy pamiaškańnia», albo «dabračynny ŭniosak».
3. Achviaravańni najaŭnymi hrašyma (u tym liku ananimna)
Achviaravańni na arendu Siadziby taksama možna zrabić najaŭnymi hrašyma ŭ siadzibie BNF (Miensk, vuł. Čarnyšeŭskaha, 3), u tym liku ananimna ŭ skarbonku dla achviaravańniaŭ na adras Hramadzkaha abjadnańnia BNF «Adradžeńnie».
Hrafik pracy siadziby: ofis BNF adčynieny z 13 da 19 hadzinaŭ z paniadziełka pa piatnicu. Subota, niadziela − vychodnyja.
Z centralnym ofisam Partyi BNF Vy možacie źviazacca praz elektronny adras Upravy BNF: [email protected] albo praz telefon (017) 3645012