U Kupałaŭskim teatry prajšła cyrymonija ŭznaharodžańnia naminantaŭ V Respublikanskaha konkursu teatralnaha mastactva «Nacyjanalnaja teatralnaja premija». Jana ŭručajecca z 2010 hoda raz na dva hady.
Viktar Manajeŭ i «Revizor» — pieramožcy Nacyjanalnaj teatralnaj premii, fota kupalauski.by
Tytuł «Najlepšy śpiektakl teatra dramy» dastaŭsia pastanoŭcy «Revizor» teatra imia Janki Kupały, a Viktar Manajeŭ udastojeny premii «Najlepšaja mužčynskaja rola ŭ śpiektakli teatra dramy» za rolu Haradničaha.
Pieramožcaj konkursu «Najlepšaja žanočaja rola ŭ śpiektakli teatra dramy» stała Julijana Michnievič za rolu Maci ŭ «Opiumie» (Centr vizualnych i vykanalnickich mastactvaŭ «ART Karparejšn»).
U naminacyi «Najlepšy śpiektakl teatra dramy małoj formy» pieramoh «Mietad» Homielskaha haradskoha maładziožnaha teatra.
Najlepšym opiernym śpiektaklem stała pastanoŭka «Bahiema» Vialikaha teatra opiery i baleta, a najlepšym baletnym śpiektaklem - «Višniovy sad» Biełaruskaha dziaržaŭnaha muzyčnaha teatra
Najlepšym lalečnym śpiektaklem stali «Siostry Hrai» Minskaha abłasnoha teatra lalek «Batlejka».
A najlepšym śpiektaklem dla dziaciej nazvana «Kaladnaja historyja» Teatra lalek.
V Respublikanski konkurs teatralnaha mastactva «Nacyjanalnaja teatralnaja premija» pravodziŭsia z 2 kastryčnika pa 21 śniežnia. Usiaho ŭ adboračnych turach pryniali ŭdzieł 87 śpiektaklaŭ, u finał prajšli 48 pastanovak.
