Nacyjanalny archiŭ Łatvii adkryŭ dostup da častki kartateki KDB u Łatvijskaj SSSR, paviedamlaje Delfi.lv.
Na sajcie archiva kgb.arhivi.lv vykładzienyja adskanavanyja dakumienty KDB, u tym liku 10 612 kartak na ahientaŭ KDB, ludziej, jakija płanavali vyjechać za miežy SSSR, i patencyjnych kandydataŭ dla viarboŭki.
Na sajcie archiva taksama možna aznajomicca z kartatekaj statystyčnaha ŭliku ahientury KDB (4141 kartka) i kartatekaj «pazaštatnych apieratyŭnych rabotnikaŭ KDB». Apošnija na hramadskich pačatkach akazvali «dapamohu ŭ kontrraźviedvalnaj dziejnaści na transpartnych, pramysłovych abjektach, a taksama asobnych ustanovach Minabarony».
Vydańnie adznačaje, što sprečki vakoł publikacyi archiŭnych dakumientaŭ KDB u Łatvii išli na praciahu 20 hadoŭ.
