Kiraŭnik UPC MP Anufryj
Viarchoŭnaja Rada Ukrainy pryniała zakon, jaki abaviazvaje Ukrainskuju pravasłaŭnuju carkvu Maskoŭskaha patryjarchata (UPC MP) źmianić nazvu.
Zaraz UPC MP aficyjna nazyvajecca Ukrainskaja pravasłaŭnaja carkva.
Dakumient patrabuje ad UPC MP paznačyć u naźvie prynaležnaść da Ruskaj pravasłaŭnaj carkvy (RPC). Heta abhruntavana tym, što centr RPC znachodzicca ŭ dziaržavie, što «ŭčyniła vajennuju ahresiju suprać Ukrainy».
UPC MP nazvali rašeńnie Viarchoŭnaj rady niezakonnym i paabiacała zmahacca ź im. «U najaŭnaści ŭmiašańnie dziaržavy ŭ spravy carkvy, pieravyšeńnie jaho paŭnamoctvaŭ i parušeńnie Kanstytucyi. Carkva moža tolki sama pierajmienavacca, a dziaržava nie maje prava hetaha rabić», - zajaviŭ «Interfaksu» kiraŭnik pres-słužby UPC MP Vasil Anisimaŭ.
U minułuju subotu na sabory ŭ Kijevie była stvorana Pravasłaŭnaja carkva Ukrainy na čale ź mitrapalitam Jepifanijem.
