Biełaruskaja sacyjalnaja rekłama: ščyraja, absurdnaja i miescami strašnaja. Dubovaja aleja imia Łukašenki, dzie jana? Chto hałoŭny biełaruski dyzajnier? U Kitai navučylisia padrablać ludziej. U Viciebsku raskarmili lebiedzia tak, što jon nie zmoh lacieć. Heta dy mnohaje inšaje — u novym vypusku subotniaha humarystyčnaha šou Biełsata Chaj Tak TV. A hość prahramy — dyzajnier Anatol Łazar.
Šou Chaj Tak TV vychodzić na Biełsacie ad vieraśnia. Upieršyniu ŭ telefarmacie — pra Biełaruś, pa-biełarusku i biez cenzury.
Pavodle kancepcyi, Chaj Tak TV — heta samy padpolny biełaruski telekanał, jašče bolš padpolny, čym Biełsat.
Sa studyi, jakaja raźmiaščajecca «ŭ nieviadomym miescy», Chaj Tak TV štosuboty a 20.30 pirackim čynam uryvajecca na efirnyja chvali Biełsata.
A troje jahonych viadoŭcaŭ — śmiełyja i bieskampramisnyja Sieva Ścieburaka, Dźmitry Jesianievič i Jaŭhien Baryšnikaŭ — kamientujuć biełaruskuju rečaisnaść całkam pa-novamu: praz daviadzieńnie da poŭnaha absurdu.
U kožnym vypusku — skietčy, repartažy dy apytanki, abmierkavanie navinaŭ i razmova z hościem.
U sakretnuju studyju padpolnaha TB prychodziać biełaruskija zorki — tut byli Viktar Marcinovič, Adam Hłobus, Palina Respublika, Pavieł Charłančuk, a taksama mnohija inšyja. I nichto z haściej nie viedaje, da čaho ich zmusiać viadoŭcy ŭ efiry.
