Fota z sacyjalnych sietak
Premija Francuzskaj respubliki «Svaboda - Roŭnaść - Braterstva» za 2018 hod prysudžana biełaruskamu pravaabaroncu Leanidu Sudalenku, piša spring96.org
Nacyjanalnaja kansultatyŭnaja kamisija pa pravach čałavieka Francyi ŭžo pavinšavała łaŭreata z premijaj i zaprasiła na cyrymoniju ŭznaharodžańnia, jakaja adbudziecca ŭ nastupny paniadziełak u Ministerstvie justycyi ŭ Paryžy. Premija budzie ŭručacca ministram justycyi Nikol Biełobie i prezidentam niaŭradavaj arhanizacyi CNCDH Kryścinaj Łazierhies. U adznačeńnie 70-j hadaviny Usieahulnaj dekłaracyi pravoŭ čałavieka i 20-hodździa Dekłaracyi ab pravaabaroncach zapłanavana taksama sustreča ŭ ministerstvie zamiežnych spraŭ Francyi.
Pasolstva Francyi ŭ Biełarusi taksama dałučyłasia da vinšavańniaŭ łaŭreata. Pasoł Dydje Kanes asabista zaprasiŭ jaho abmianiacca dumkami padčas sumiesnaj viačery.
Leanid Sudalenka staŭ najbolš viadomy paśla ŭviadzieńnia ŭ Biełarusi dekreta ab darmajedstvie. Pravaabaronca padtrymlivaŭ u sudzie pieršaha biełarusa, jaki abskardziŭ svajo «darmajedstva».
Dalej Sudalenka nie adzin miesiac akazvaŭ biaspłatnuju jurydyčnuju dapamohu ludziam z usich kancoŭ Biełarusi, dapamahajučy tym, chto atrymaŭ «listy ščaścia» z padatkovaj. Juryst napisaŭ kala 200 skarhaŭ u padatkovyja inśpiekcyi.
— U svaim fejsbuku ja publikavaŭ tematyčnyja materyjały. Mianie pačali znachodzić ludzi, źviartalisia z abłasnych i rajonnych centraŭ, prasili ab dapamozie, - raspaviadaŭ pravaabaronca kp.by.
