30 listapada hałoŭnamu redaktaru partała Tut.by Marynie Zołatavaj admovili ŭ zadavalnieńni chadajnictva ab spynieńni kryminalnaha pieraśledu pa «spravie BiełTA».
Fota: Dźmitryj Bruško, Tut.by.
Raniej hałoŭny redaktar Tut.by padała chadajnictva ab spynieńni kryminalnaha pieraśledu pavodle art. 86 KK. Adnak u hetym joj admovili. Takoje rašeńnie joj ahučyŭ kiraŭnik śledčaj hrupy Alaksandr Siamienik.
Jon taksama paviedamiŭ, što adpaviedny dakumient joj adpraŭleny pa pošcie. Joj dali miesiac na aznajamleńnie z materyjałami spravy. Zatym jana zmoža znoŭ źviarnucca z chadajnictvam u prakuraturu ab spynieńni kryminalnaha pieraśledu.
Maryna Zołatava zastajecca apošniaj abvinavačvanaj pa «spravie BiełTA». Hałoŭnaha redaktara Tut.by abvinavačvajuć pa č. 2 art. 425 Kryminalnaha kodeksa (Biaździejnaść słužbovaj asoby), sankcyja artykułu — ad štrafu i da 5 hadoŭ pazbaŭleńnia voli.
Usie astatnija 14 supracoŭnikaŭ roznych ŚMI raniej byli vyzvalenyja ad kryminalnaj adkaznaści z pryciahnieńniem da administracyjnaj. Akramia štrafaŭ žurnalisty byli abaviazany kampiensavać stratu.
