24-hadovy Arciom Łaŭrenka ź Pinska — invalid pieršaj hrupy (kopija paśviedčańnia ab invalidnaści jość u redakcyi). Napiaredadni kancerta Viktara Kaliny ŭ Pinsku Arciom źviarnuŭsia ŭ sacyjalnych sietkach da śpievaka z prośbaj pakinuć jamu dva zaprašalniki na kancert.
Viktar Kalina.
«Na papiarednija kancerty jon mianie zaprašaŭ. Kali b jon u hety raz prosta admoviŭ, to ja b ničoha nie mieŭ suprać. A jon adpraviŭ mnie hałasavoje paviedamleńnie ŭ abraźliva-źnievažalnaj formie», — raskazvaje Arciom.
«Małady čałaviek, kali b ty byŭ pobač, to ja b, jak uja…ŭ tabie pa karku, što ty b u pavietry pierakuliŭsia. Ja, Viktar Kalina, budu tabie zaprašalniki pakidać? Ty choć viedaješ jakaja heta pracedura, pakinuć zaprašalniki? Heta treba zadziejničać cełaha buchhałtara. Jaki ty prychilnik, b…? Nie daj boh ubaču na kancercie, vydam takoha piendala, što ty ach…ieš», — adkazaŭ Kalina.
Bilety na kancert «lehiendy ruskaha šansona», jak pazicyjanuje siabie Kalina, kaštavali 10-12 rubloŭ. A kancert prachodziŭ u Haradskim domie kultury.
Sam Arciom Łaŭrenka kaža, što pojdzie na kancerty Viktara Kaliny ŭ budučyni, kali jon vybačycca pierad im.
Viktar Kalina — viadomy šansańje. Jon padtrymlivaje bajevikoŭ «DNR» i «ŁNR», a taksama zmahajecca ŭ sacyjalnych sietkach suprać «apazicyi, radykałaŭ i banderaŭcaŭ».
Hladzi taksama:
Viktar Kalina nakinuŭsia z maciukami na kamientataraŭ, jakija aburylisia jaho hastrolami pa Biełarusi
Viktar Kalina: «Maju knihu redahavała Śviatłana Aleksijevič za $300». Aleksijevič: «Hłupstva niesuśvietnaje!»
Viktar Kalina prosić Łukašenku abaranić jaho ad «apazicyi, radykałaŭ i banderaŭcaŭ»
