Fota Siarhieja Hudzilina
«U hetyja vychodnyja čakajecca pa-asieńniamu niaŭstojlivaje nadvorje z tempieraturnym fonam, blizkim da klimatyčnaj normy», — skazali ŭ Biełhidramiecie.
U subotu čarhovyja atmaśfiernyja franty abumović na bolšaj častcy terytoryi krainy karotkačasovyja daždžy, nočču i ranicaj pa paŭnočnym uschodzie z mokrym śnieham. Dniom daždžy buduć supravadžacca paryvistym vietram. Nočču + 1-6, dniom budzie ad +5 pa poŭnačy da +13 na poŭdni krainy.
U niadzielu, 28 kastryčnika, tempieratura pavietra ŭnačy składzie ad minus 2 da +5. Dniom karotkačasovyja daždžy, viečaram mahčymy mokry śnieh. Dniom +2-8.
U pačatku nastupnaha tydnia atmaśfierny front, jaki źmiaščajecca z terytoryi Ukrainy, abumović paharšeńnie ŭmoŭ nadvorja.
U paniadziełak u mnohich rajonach krainy čakajucca apadki (mokry śnieh, doždž), miescami mocnyja apadki. Jany buduć supravadžacca paryvistym vietram, nočču i ranicaj u asobnych rajonach čakajecca hałalod.
Nočču 0 - +5, pa poŭnačy krainy panizicca da minus 1-4. Dniom budzie +1—8, u paŭdniovych rajonach — da +12.