31-hadovuju žycharku Hrodna padazrajuć u tym, što jana z 2015 hoda pa vierasień 2018 hoda razam ź siastroj niezakonna handlavała kvitkami na prajezd praz «Hrodnaabłsajuzdruk» — i «zarabiła» amal 30 tysiač dalaraŭ, paviedamlaje UUS Hrodzienskaha abłvykankama.
Adna siastra pradavała kvitki «mima kasy», a druhaja składała fiktyŭnyja finansavyja spravazdačy, invientaryzacyja ŭ hety pieryjad nie pravodziłasia.
Adnak u vieraśni 2018 hoda kijosk usio ž pravieryli. Krychu paźniej udałosia raskryć złačynnuju schiemu i paniesienuju stratu.
Padazravanyja vinu pryznali. Pa ich słovach, hrošy jany tracili na pahašeńnie kredytu.
0
0
0
0
0
0
