Pieršaha asudžanaha pa spravie ab teraktach 11 vieraśnia 2001 hoda departujuć na radzimu — u Maroka. Pa dadzienych niamieckaj haziety Bild, tam pražyvajuć jaho žonka, hramadzianka Biełarusi Maryja, i troje dziaciej, paviedamlaje Tut.by sa spasyłkaj na DW.
Vychadziec z Maroka 44-hadovy Munir al-Matasadek znachodziŭsia ŭ suviaziach z tak zvanaj «hamburhskaj terarystyčnaj jačejkaj», hrupaj Machamieda Aty - niamieckaha padraździaleńnia «Al-Kaidy», jakaja ažyćciaviła terakty ŭ ZŠA. Pa dadzienych śledstva, jon pakryvaŭ miescaznachodžańnie bajevikoŭ, a taksama ažyćciaŭlaŭ pa ich daručeńni bankaŭskija pieravody.
Munir al-Matasadek naradziŭsia ŭ marakanskim Marakiešy i emihravaŭ u Hiermaniju paśla zakančeńnia škoły ŭ 1993 hodzie. U Miunstery jon vyvučyŭ niamieckuju movu, a zatym pastupiŭ u Hamburhski techničny univiersitet na śpiecyjalnaść «elektratechnika». Tam jon sustreŭ svaju budučuju žonku, jakaja pryjechała ŭ Niamieččynu ź Biełarusi. Jana pryniała isłam, u pary naradzilisia troje dziaciej. Paśla zaklučeńnia al-Mktasadeka ŭ turmu jaho žonka pierajechała ŭ Maroka, dzie čakaje jaho viartańnia.
