Rada dyrektaraŭ Bałharskaha nacyjanalnaha telebačańnia (BNT) pryniała rašeńnie admovicca ad udziełu ŭ «Jeŭrabačańni», jaki adbudziecca ŭ mai 2019 hoda ŭ Tel-Avivie. Pra heta paviedamiła TASS, spasyłajučysia na pres-słužbu telekampanii.
U zajavie BNT adznačajecca, što hetaje rašeńnie «pryniata ŭ suviazi ź nieabchodnaściu aptymizacyi publičnych vydatkaŭ».
U apošnija dva hady pry padrychtoŭcy bałharskich vykanaŭcaŭ da «Jeŭrabačańnia» telekampanija źviartalisia pa dapamohu da partnioraŭ — pradziusarskich centraŭ abo prafiesijnych kamand, jakija brali ŭdzieł u finansavańni. Jak adznačyła kiraŭnictva Bałharskaha nacyjanalnaha telebačańnia, traty na padrychtoŭku ŭdzielnika, pradziusavańnie pieśni, sceničnaje šou, stvareńnie televizijnaha klipa i ŭdzieł u konkursnych mierapryjemstvach značna pieravyšajuć vydatki, na jakija moža pajści hramadskaje telebačańnie.
