Złučanyja Štaty i ich sajuźniki pa NATA hatovyja reahavać na «rost pahrozy z boku Rasiei», paviedamiŭ telekanału Sky New kamandujučy jeŭrapiejskim kamandavańniem Uzbrojenych sił ZŠA i viarchoŭny hałoŭnakamandujučy abjadnanych siłaŭ NATA ŭ Jeŭropie hienierał Kiercis Skaparoci.
Paśla vizitu ŭ Portsmut na minułym tydni da «najbujniejšych vajennych vučeńniaŭ NATA z momantu zakančeńnia chałodnaj vajny», pavodle jaho słoŭ, rychtujecca dałučycca amierykanski avijanosiec Harry S. Truman.
Adkazvajučy na pytańnie, jakoje paviedamleńnie Maskvie sprabuje pieradać aljans, pierakidajučy ŭ Paŭnočnaje mora na vučeńni 100-tysiačatonny vajskovy karabiel, Skaparoci zajaviŭ, što heta «demanstracyja mahčymaściaŭ» błoka.
«My hatovyja [adkazać u vypadku nieabchodnaści] i my budziem abaraniać Atłantyku», - dadaŭ hienierał.
Avijanosiec, pa słovach Skaparoci, jon užo naviedaŭ z hienieralnym sakratarom NATA Jensam Stałtenbierham i inšymi vysokapastaŭlenymi pradstaŭnikami aljansu.
«Rasija prystupiła da ŭzmacnieńnia svajoj prysutnaści, a taksama jana madernizuje svaje ŭzbrojenyja siły», - adznačyŭ hienierał. «Heta nie toje, što zdavałasia b mnie niečakanym, ale my pavinny źviarnuć na heta ŭvahu», - padkreśliŭ Skaparroci.
«Nam treba praciahvać naroščvać našy mahčymaści i treniravacca, kab my zachavali daminavańnie ŭ tym, što tyčycca vajskovaha patencyjału», - zaŭvažyŭ jon, udakładniŭšy, što siła, na jaho dumku, - heta mahčymaść praduchilić kanflikt. «I naša praca na samaj spravie pavinna praduchilić [jaho], i my zrobim heta razam z mocnym sajuzam», - skazaŭ na zakančeńnie hienierał.
Vučeńni NATA projduć u pieryjad z 25 kastryčnika da 7 listapada ŭ terytaryjalnych vodach Narviehii. Udzieł u ich, jak pakazvaje Sky News, voźmuć kala 50 tys. vajskoŭcaŭ z usich 29 krain - členaŭ aljansu. Taksama ŭ ich buduć udzielničać vajskoŭcy ź Finlandyi i Šviecyi. Upłyŭ na vučeńni «rasijskaj pahrozy» 3 kastryčnika pryznaŭ taksama hienieralny sakratar NATA Jens Stołtenbierh.
