Skončyŭsia pieršy etap adkrytaha konkursu na stvareńnie pomnika Hlebu Mienskamu, paviedamlaje ahienctva «Minsk-Naviny» sa spasyłkaj na staršyniu kamiteta architektury i horadabudaŭnictva Minharvykankama Paŭła Łučynoviča.
Zajaŭki padali 17 aŭtaraŭ. Siarod členaŭ žury śpiecyjalisty z roznych abłaściej - skulptary, architektary, historyki, mastactvaznaŭcy.
- Žury adnahałosna pastanaviła, što pomnik pavinien raźmiaščacca ŭ Vierchnim horadzie na vysokim punkcie - nasuprać Kafiedralnaha sabora.
Heta znakavaje miesca dla stalicy. Akramia taho, pryjšli da vysnovy, što heta pavinien być konny pomnik - takoha ŭ Minsku niama, choć ich ustaloŭvajuć va ŭsich bujnych haradach, - rastłumačyŭ P. Łučynovič.
Na dapracoŭku tvoraŭ skulpturam daduć jašče miesiac. Usie, chto padavaŭ zajaŭki, buduć praciahvać udzieł u konkursie. Darečy, usie raboty zašyfravanyja kodami, členy žury nie viedajuć, chto ich aŭtary.
- Skulpturnaja kampazicyja nie pavinna isnavać sama pa sabie. Zaklikajem kankursantaŭ pradumać, jak harmanična ŭpisać jaje ŭ haradskoje asiaroddzie, - udakładniŭ P. Łučynovič.
Jak miarkujecca, kampazicyju pastaviać u Vierchnim horadzie ŭ nastupnym hodzie. Što cikava, 13 vieraśnia 2019-ha - napiaredadni Dnia horada Minska - spoŭnicca 900 hadoŭ z dnia śmierci Hleba Mienskaha.
Vierahodnaja vyjava kniazia Hleba.
Čytajcie taksama: Historyja Biełarusi. Kniaź Hleb i uzvyšeńnie Minska
