U vieraśni abarvałasia žyćcio voŭka Michasia, jaki raniej źbieh ź Biełarusi va Ukrainu — jaho zastrelili.
Fota: vouk.by.
Śpiecyjalist APB pa pryrodaachoŭnych pytańniach Mikałaj Čerkas raskazaŭ: «My chacieli praciahnuć sačeńnie za Michasiom, kab pabačyć, zastaniecca jon na hetaj terytoryi ci mihruje, jak budzie dziejničać jaho zhraja. Škada, što tak raptoŭna našaje sačeńnie skončyłasia».
U pačatku vieraśnia śpiecyjalisty pabyvali va Ukrainie i ahledzieli miaściny, dzie Michaś prybiŭsia da zhrai. Michaś znajšoŭ sabie samku, u ich źjavilisia čaćviora vaŭčaniat (hienietyčny analiz pakaža, kreŭnyja jany Michasiu ci zabitamu raniej vaŭku z toj zhrai, da jakoj naležała samka).
Napeŭna, navat niadoŭhaje siamiejnaje žyćcio paspryjała tamu, što Michaś razdabreŭ: kali jaho zabili, jon važyŭ 50 kh, u toj čas jak pry adłovie ŭ Biełaviežskaj puščy mienš za hod tamu jaho vaha była tolki 39 kh.
Michaś žyŭ ź siamjoj u nievialikim lasku, adpačyvali jany ŭ słaniečnikavym poli. Kali słaniečniki prybrali, vaŭkam užo asabliva nie było dzie chavacca.
U siaredzinie vieraśnia Michasia i adnaho z vaŭčaniat zastrelili. Vaŭčycha z tryma vaŭčaniatami zastalisia žyć.
Admietnaściu Michasia było toje, što jon trymaŭsia śpiecyfičnaj dyjety: lubiŭ frukty, jahady i myšej, a bujnyja žyvioły ŭ jaho racyjonie sustrakalisia nie tak časta. Tym nie mienš, jaho paličyli kankurentam palaŭničych: maŭlaŭ, jon vyniščyć u lesie kazul i im nie pakinie. Tamu ŭ lasnoj haspadarcy vyrašyli ad vaŭka pazbavicca, choć daśledavańni vučonych kažuć, što najaŭnaść voŭčaj zhrai nie skaračaje papulacyju kapytnych na hetaj terytoryi, a tolki zapavolvaje jaje rost.
