U Niamieččynie zahareŭsia vysakachutkasny ciahnik ICE, jaki ruchaŭsia z Kiolna ŭ Miunchien, usie pasažyry evakujavanyja. Pra heta havorycca ŭ paviedamleńni čyhunačnaha apieratara Deutsche Bahn.
U ciahniku znachodzilisia 510 pasažyraŭ, nichto ź ich nie paciarpieŭ. U vyniku zdareńnia zhareli dva vahony. Paśla pažaru vysakachutkasnuju darohu pamiž Kiolnam i Frankfurtam pierakryli. Udakładniajecca, što ŭ suviazi z hetym ciahniki buduć jechać pa abjaznoj darozie, i čas pajezdki pavialičycca prykładna na 80 chvilin. Pryčyny pažaru vyśviatlajucca.
Jak piša hazieta Bild, pach dymu adčuŭ palicejski, jaki išoŭ pa ciahniku, i aktyvavaŭ pažarnuju sistemu, dziakujučy čamu ŭdałosia paźbiehnuć achviar. Pa dadzienych vydańnia, piać čałaviek atrymali lohkija traŭmy.
