president.gov.by
«Ja ŭdziačny vam, prezidentu Rasii, za toje, što vy znajšli čas, pryjechali ŭ hety śvietły horad. Ja niezdarma skazaŭ — rasijski horad. Mahiloŭ, Viciebsk — heta takija harady, jakija naohuł nie adroźnivajucca ad rasijskich haradoŭ», — skazaŭ Alaksandr Łukašenka, zaviaršajučy svoj vystup na V forumie rehijonaŭ.
Siońnia, 12 kastryčnika, kiraŭniki Biełarusi i Rasii koratka vystupili na vynikovym plenarnym pasiadžeńni V Forumu rehijonaŭ. Alaksandr Łukašenka padziakavaŭ Uładzimiru Pucinu za pryjezd.
— Ja vielmi caniu toje, što my ŭ takim składzie siońnia tut sabralisia. Dziakuj vam vialiki. Heta caniu nie tolki ja. Biełaruś užo praktyčna tydzień napiaredadni hetaha forumu, siońnia [žyvie] i, ja dumaju, jašče zaŭtra my budziem žyć voś hetym ducham biełaruska-rasijskaha adzinstva. Takija forumy nie zamienić nivodnaje mierapryjemstva pa linii Sajuza Biełarusi i Rasii. Heta hetyja forumy zbližajuć, abjadnoŭvajuć našy narody, robiać adzinym cełym, jakoje razarvać praktyčna nikomu niemahčyma, — skazaŭ kiraŭnik Biełarusi.
Zaviaršajučy svaju pramovu, Alaksandr Łukašenka dadaŭ:
— Ja ŭdziačny vam, prezidentu Rasii, za toje, što vy znajšli čas, pryjechali ŭ hety śvietły horad. Ja niezdarma skazaŭ — ruski horad. Mahiloŭ, Viciebsk — heta takija harady, jakija naohuł nie adroźnivajucca ad rasijskich haradoŭ.
Dy i Brest — voś, hubiernatar vystupaŭ, — Hrodna. Jany kali i adroźnivajucca, to tolki svajoj architekturaj zachodniaj. A tut usio naša, usio žyvoje.
Pomnik Alhierdu ŭ Viciebsku. Fota Siarhieja Hudzilina.