Tydzień tamu 30-hadovaha mužčynu zatrymali ŭ minskim aeraporcie. Padrabiaznaści pryvodzić partał tut.by.
Niadaŭna dziaržsakratar Rady biaśpieki Stanisłaŭ Zaś paviedamiŭ, što ŭ Biełarusi zatrymany zamiežnik, jaki znachodziŭsia ŭ mižnarodnym vyšuku «za dačynieńnie da terarystyčnych dziejańniaŭ, zabojstva ŭ tym liku».
Akazałasia, havorka idzie pra 30-hadovaha rasijanina. 4 kastryčnika jaho zatrymali ŭ aeraporcie ŭ Minsku, raspavioŭ pradstaŭnik Hienprakuratury Dźmitryj Bryloŭ. Viadoma, što ordar na aryšt mužčyny vydaŭ prakuror akruhovaha suda horada Hrac (Aŭstryja).
«Pa papiarednich dadzienych, mužčynie inkryminujuć zabojstva, złačynstvy, źviazanyja z teraryzmam, pryčynieńnie ciažkich cialesnych paškodžańniaŭ i ŭdzieł u złačynnaj arhanizacyi — razmova ab «Isłamskaj dziaržavie», - raspavioŭ Dźmitryj Bryloŭ.
Pavodle pastanovy namieśnika minskaha transpartnaha prakurora zatrymany źmieščany pad vartu z metaj vydačy. Mužčyna znachodzicca ŭ SIZA № 1 u Minsku. Pa praviłach na praciahu 40 sutak aŭstryjski bok musić padrychtavać pakiet paćviardžalnych dakumientaŭ, na padstavie jakich budzie prymacca dalejšaje rašeńnie.
